पुणे : आले, लसूण, काकडी, ढोबळी मिरची, मटारच्या दरात घट

पुणे विभागातून सातारी आले ६०० ते ७०० गोणी, भेंडी ७ ते ८ टेम्पो, गवार ४ ते ५ टेम्पो, टोमॅटो १० ते १२ हजार पेटी, हिरवी मिरची ४ ते ५ टेम्पो, ढोबळी मिरची १० ते १२ टेम्पो, काकडी ८ ते १० टेम्पो, कोबी ५ ते ६ टेम्पो, फ्लाॅवर १० ते १२ टेम्पो, तांबडा भोपळा १० ते १२ टेम्पो, कांदा ७० ते ७५ ट्रक, तसेच इंदूर, आग्रा, स्थानिक भागातून ३५ ते ४० टेम्पो बटाट्याची आवक झाली.

पालेभाज्या स्वस्त्

करडई, अंबाडी, पालक या पालेभाज्यांच्या दरात घट झाली असून, कोथिंबिर, चवळई. मेथी, शेपू, कांदापात, चाकवत, पुदिना, मुळे, राजगिरा, चुका, हरभरा गड्डीचे दर स्थिर होते. तरकारी विभागात कोथिंबीर दीड लाख जुडी, मेथीच्या ७० हजार जुडींची आवक झाली. घाऊक बाजारात पालेभाज्यांचे शेकड्याचे दर पुढीलप्रमाणे – कोथिंबीर- ४०० ते ८००, मेथी -६०० ते १०००, शेपू – ५०० ते ८००, कांदापात- ८०० ते १०००, चाकवत – ४०० ते ७००, करडई- ३०० ते ६००, पुदिना – ३०० ते ६००, अंबाडी – ३०० ते ५००, मुळे – ६०० ते १०००, राजगिरा- ४०० ते ६००, चुका – ५०० ते ८००, चवळई- ३००-६००, पालक- ८००-१०००. हरभरा गड्डी – ५०० ते १०००

बोरे, पपईच्या दरात वाढ

मार्केट यार्डातील फळबाजारात बोरे, पपईच्या दरात वाढ झाली आहे. लिंबांच्या दरात घट झाली. अननस, संत्री, मोसंबी, कलिंगड, खरबूज, चिकू, पेरुचे दर स्थिर असल्याची माहिती व्यापाऱ्यांनी दिली. फळबाजारात रविवारी जुन्या आणि नव्या बहरातील मोसंबी ४० ते ५० टन, संत्री ५० ते ६० टन, डाळिंब ३० ते ३५ टन, लिंबे दीड हजार गोणी, कलिंगड २५ ते ३० टेम्पो, खरबूज ७ ते ८ टेम्पो, चिकू एक हजार गोणी, पेरू १०० प्लास्टिक जाळी (क्रेट), अननस ६ ट्रक, बाेरे ५०० गोणी अशी आवक झाली.