पिंपरी-चिंचवडमधील प्राणी संग्रहालयातील दोन अजगरांची चोरी

सूत्रांकडून मिळालेल्या माहितीनुसार, मंगळवारी मध्यरात्री संग्रहालयातून दोन अजगरांची चोरी झाली. याप्रकरणी निगडी पोलिसात तक्रार दाखल करण्यात आली आहे. काचेची पेटी फोडून अजगरांची चोरी करण्यात आली, अशी तक्रार संग्रहालय प्रशासनाने  दाखल केली आहे. बहिणाबाई चौधरी प्राणी संग्रहालयातील प्रशासनाच्या हालगर्जीपणामुळे काही महिन्यांपूर्वी २० सापांचा मृत्यू झाल्याची घटना घडली होती. तसेच संग्रहालयातून ८ मगरी गायब झाल्याने खळबळ माजली होती. मागील वर्षीच्या ऑक्टोंबरमध्ये संग्रहालयात १६ मगरी होत्या. २२ नोव्हेबरला ४ मगर गायब झाल्या. तर डिसेंबरमध्ये ४ मगरींचा मृत्यू झाला.