पुणे : रेल्वे मंत्रालयाने देशभरातील प्रमुख स्थानकांमध्ये इलेक्ट्रिक वाहनांसाठी ई-चार्जिंग केंद्रे उभारण्याचे पाऊल उचलले आहे. प्रवाशांच्या सोयीसाठी स्थानकाच्या आवारात आणि वाहनतळामध्ये ही केंद्रे उभारण्यात येत आहेत. पुणे विभागात पुणे रेल्वे स्थानकासह शिवाजीनगर, कोल्हापूर आणि मिरज स्थानकामध्ये लवकरच ही सुविधा सुरू होणार आहे. रेल्वे मंत्रालयाने पर्यावरणपूरक वाहतुकीला प्रोत्साहन देण्याचे धोरण स्वीकारले आहे. त्याअंतर्गत देशातील प्रमुख स्थानकांमध्ये इलेक्ट्रिक दुचाकी आणि मोटारींसाठी चार्जिंग केंद्रे उभारण्यात येणार आहेत.

त्यात प्रामुख्याने मुंबई, दिल्ली, बंगळुरू, अहमदाबाद, चेन्नई, कोलकता, पुणे या शहरांचा समावेश आहे. पुढील वर्षीच्या अखेरपर्यंत या शहरांमधील प्रमुख स्थानकांवर ई-चार्जिंग सुविधा सुरू करण्याचे नियोजन आहे. रेल्वेकडून कार्बन उत्सर्जन कमी करण्यासाठी प्रयत्न केले जात आहे. त्याअंतर्गत ही मोहीम हाती घेण्यात आली आहे.

50 to 60 school students hospitalised after lpg gas leak at jsw company in jaigad
जयगड येथील जेएसडब्ल्यू कंपनीमध्ये एलपीजी वायू गळती; नांदिवडे माध्यमिक विद्यालयाच्या ५० ते ६० विद्यार्थ्यांना त्रास
nana patekar reacts on allu arjun arrest
अल्लू अर्जुनच्या अटक प्रकरणावर नाना पाटेकर म्हणाले, “कोणाला…
20 percent ethanol mixed petrol distribution now started at all pumps in state
राज्यातील पंपांवर आता २० टक्के इथेनॉलमिश्रित पेट्रोल, वाहनधारकांसह पंपचालकांची परीक्षा?
kdmc steps to cut off water connection and electricity supply to 58 illegal buildings in dombivli
डोंबिवलीतील ५८ बेकायदा इमारतींमधील पाणी, वीजपुरवठा खंडित करण्याच्या हालचाली, उच्च न्यायालयाच्या आदेशावरून कारवाईचे नियोजन
Pune and Pimpri Chinchwad may raise PMPML ticket prices due to rising operational deficit
पीएमपी तिकीट दरवाढीचे भवितव्य, ‘दादांच्या ‘ हाती, काय निर्णय घेणार ?
Dombivli tax arrears people, Dombivli property seal,
डोंबिवलीत मालमत्ता कर थकबाकीदारांच्या गाळ्यांना टाळे
Congress led UDF accuses Kerala government of increasing electricity bills for Adani  benefit
अदानींच्या फायद्यासाठी वीजबिलात वाढ; काँग्रेसप्रणीत ‘यूडीएफ’चा केरळ सरकारवर आरोप
nitin Gadkari marathi news
इलेक्ट्रिक वाहन उद्योगात चार कोटी रोजगार… गडकरींनी थेट रोडमॅपच मांडला…

हेही वाचा : अजित पवारांच्या धरणग्रस्त वक्तव्यावर बोलणारे देवेंद्र फडणवीस त्याच धरणातील….. सुषमा अंधारे यांची चौफेर फटकेबाजी

पुणे विभागात पुणे रेल्वे स्थानक, शिवाजीनगर, कोल्हापूर आणि मिरज या स्थानकांवर ही सुविधा उभारली जाणार आहे. या स्थानकांच्या वाहनतळाच्या जागेत ही सुविधा उभारण्यात येईल. पुणे रेल्वे स्थानकाच्या ताडीवाला रस्त्याच्या बाजूच्या वाहतनळात ही सुविधा सुरू केली जाणार आहे. सध्या कोल्हापूर स्थानकाच्या वाहनतळाच्या जागेत चार्जिंग सुविधा उभारण्यात आली आहे. कोल्हापूर महापालिकेची परवानगी मिळाल्यानंतर ती सुरू करण्यात येणार आहे.

हेही वाचा : “निवडणुकांना जेवढा उशीर होईल…”, विशेष अधिवेशनावरून रोहित पवारांचा भाजपावर मोठा आरोप

रेल्वेलाही महसूल मिळणार

पुणे विभागातील इतर स्थानकांमध्ये भविष्यात ही सुविधा सुरू केली जाणार आहे. चार्जिंग सुविधा सुरू करण्यासाठी खासगी कंपन्यांना कंत्राट दिले जाणार आहे. हे कंत्राट १ ते ३ वर्षांचे असेल. या कंपन्या त्यापोटी रेल्वेला वर्षाला ठराविक रक्कम देतील. या सुविधेमुळे प्रवाशांची सोय होण्यासोबत रेल्वेलाही महसूलही मिळणार आहे. ‘प्रवाशांना जास्तीतजास्त सुविधा देण्याचा रेल्वे प्रशासनाचा प्रयत्न आहे. पुणे विभागात सध्या चार स्थानकांवर ही सुविधा सुरू करण्यात येणार आहे. भविष्यात इतरही स्थानकांवर ही सुविधा सुरू केली जाईल’, असे वरिष्ठ विभागीय वाणिज्य व्यवस्थापक डॉ. मिलिंद हिरवे यांनी म्हटले आहे.

Story img Loader