राज्यभरात पावसाची उघडीप; किनारपट्टी, घाटमाथ्यावर हलक्या सरी शक्य

मराठवाड्यात औरंगाबाद, जालना, हिंगोली आणि नांदेड जिल्ह्यात काही ठिकाणी ३० ते ४० प्रति किलोमीटर वेगाने वारे वाहण्याचा आणि विजांचा कडकडाट, ढगांच्या कडकडाटासह पाऊस पडण्याचा अंदाज आहे. पुणे आणि परिसरात वातावरण ढगाळ राहून हलक्या स्वरूपाच्या पावसाची शक्यता आहे. कोकण, घाटमाथा आणि मराठवाड्यातील काही जिल्हेवगळता राज्याच्या बहुतेक भागात पावसाची उघडीप राहण्याची शक्यता आहे. राज्यातील रत्नागिरी, रायगड, पुणे (घाट परिसर) औरंगाबाद, जालना, हिंगोली आणि नांदेड या जिल्ह्यांना यलो अलर्ट देण्यात आला आहे.