पुणे : पावसामुळे फळभाज्यांच्या मागणीत घट झाली आहे. मागणी कमी झाल्याने फळभाज्यांसह पालेभाज्यांच्या दरात घट झाली आहे. आषाढी एकादशीमुळे भुईमुग शेगांच्या मागणी वाढ झाली आहे. श्री छत्रपती शिवाजी मार्केट यार्डातील घाऊक बाजारात रविवारी (१४ जुलै) राज्य, तसेच परराज्यातून मिळून ९० ट्रक फळभाज्यांची आवक झाली. कर्नाटक, गुजरात, आंध्र प्रदेशातून मिळून १० टेम्पो हिरवी मिरची, आंध्र प्रदेश, तामिळनाडूतून मिळून १ टेम्पो तोतापुरी कैरी, कर्नाटक, गुजरातमधून मिळून प्रत्येकी २ टेम्पो कोबी, कर्नाटकातून ३ टेम्पो घेवडा, ३ टेम्पो पावटा, आंध्र प्रदेश, तामिळनाडूतून मिळून ५ टेम्पो शेवगा, मध्य प्रदेशातील इंदूर भागातून ९ टेम्पो गाजर, मध्य प्रदेशातून ५ टेम्पो लसूण अशी आवक परराज्यातून झाली, अशी माहिती मार्केट यार्डातील अडते निखिल भुजबळ यांनी दिली. हेही वाचा.पुणे : घरफोडी करून दागिने लपवले मेट्रो स्थानकाच्या जिन्याजवळ पुणे विभागातून सातारी आले ५०० गोणी, भेंडी , भेंडी, गवार, कोबी, काकडी प्रत्येकी ५ टेम्पो, टोमॅटो पाच हजार पेटी, हिरवी मिरची ३ टेम्पो, ढोबळी मिरची १० टेम्पो, काकडी ५ टेम्पो, कोबी ४ ते ५ टेम्पो, कोबी ५ टेम्पो, फ्लॉवर ८ टेम्पो, भुईमूग शेंग २०० गोणी, तांबडा भोपळा १० टेम्पो, गावरान कैरी २ टेम्पो, कांदा १०० ट्रक, तसेच इंदूर, आग्रा, स्थानिक भागातून ४० टेम्पो बटाट्याची आवक झाली. हेही वाचा.“तुमचा पिस्तूल परवाना रद्द का करू नये?”, IAS पूजा खेडकरांच्या आई मनोरमा खेडकरांना पुणे पोलिसांची नोटीस पालेभाज्यांच्या दरात घट मार्केट यार्डातील तरकारी विभागात पालेभाज्यांची आवक मोठ्या प्रमाणावर होत आहे. पालेभाज्यांना मागणी कमी झाल्याने दरात घट झाली आहे. घाऊक बाजारात मेथीच्या एका जुडीमागे १३ रुपयांनी घट झाली. कोथिंबिर, शेपू, कांदापातीच्या दरात जुडीमागे ५ रुपये, पालकच्या दरात ३ रुपये, राजगिरा,चुका, चवळईच्या दरात प्रत्येकी २ रुपयांनी घट झाली आहे. तरकारी विभागात रविवारी कोथिंबिरेच्या दीड लाख जुडी, मेथीच्या एक लाख जुडींची आवक झाली. पावसामुळे पालेभाज्या भिजल्या असून, प्रतवारीवर परिणाम झाला आहे. चांगल्या प्रतीच्या पालेभाज्यांना मागणी असल्याची माहिती तरकारी विभागातील व्यापाऱ्यांनी दिली.
