Rain stopped before Diwali return journey Seasonal wind ysh 95

र्नैऋत्य मोसमी पावसाने महाराष्ट्राच्या आणखी काही भागांतून शनिवारी (१५ ऑक्टोबर) परतीचा प्रवास केला असून, पुढील दोन दिवसांत बहुतांश विदर्भातून मोसमी वारे परत फिरणार आहेत.

संग्रहित छायाचित्र/लोकसत्ता

पुणे : र्नैऋत्य मोसमी पावसाने महाराष्ट्राच्या आणखी काही भागांतून शनिवारी (१५ ऑक्टोबर) परतीचा प्रवास केला असून, पुढील दोन दिवसांत बहुतांश विदर्भातून मोसमी वारे परत फिरणार आहेत. या कालावधीत पुढील तीन दिवसांत विदर्भ आणि उत्तर महाराष्ट्र वगळता मुंबई, ठाण्यासह कोकण विभाग, पुणे, कोल्हापूरसह पश्चिम महाराष्ट्र आणि मराठवाडय़ात अनेक ठिकाणी पावसाची शक्यता आहे. दिवाळीच्या आधी काही दिवस पाऊस विश्रांती घेण्याची शक्यता आहे. मोसमी वारे सध्या राज्यातून परतीचा प्रवास करीत आहेत.

उत्तर महाराष्ट्र आणि विदर्भाच्या काही भागांतून मोसमी वारे माघारी फिरले आहेत. राजस्थानमधून २० सप्टेंबरला परतीचा प्रवास सुरू केल्यानंतर उत्तर भारतात मोठा पाऊस झाला. हंगामाचा कालावधी संपल्यानंतर १ ऑक्टोबरपासून महाराष्ट्रातही मोठय़ा पावसाने हजेरी लावली. गेल्या १५ दिवसांत राज्यात सरासरीच्या तुलनेत ७३ टक्के अधिक पावसाची नोंद झाली आहे. मध्य महाराष्ट्रात आणि प्रामुख्याने उत्तर महाराष्ट्रात सर्वाधिक पाऊस झाला आहे. उत्तर महाराष्ट्रातून मोसमी वारे माघारी गेले असल्याने या भागात पावसाचा जोर कमी झाला आहे. विदर्भातही आता मोसमी पावसाचा जोर घटतो आहे. पुढील दोन दिवसांत विदर्भातील आणखी काही भागांतून मोसमी पाऊस परतीचा प्रवास करणार असल्याचे हवामान विभागाकडून जाहीर करण्यात आले आहे. विदर्भ आणि उत्तर महाराष्ट्र वगळता कोकण विभाग, पश्चिम महाराष्ट्र आणि मराठवाडय़ात अनेक ठिकाणी १६ ते १८ या तीन दिवसांच्या कालावधीत पावसाची शक्यता आहे. कोकण विभाग आणि पश्चिम महाराष्ट्रात तुरळक भागांत या कालावधीत मुसळधार पावसाचा अंदाज आहे. काही ठिकाणी विजांचा कडकडाट होण्याचा इशारा देण्यात आला आहे.

आणखी वाचा

pune mns Office bearers and activists became Active during elections time

पुण्यात ‘मनसे’ला मराठी माणसाची पुन्हा आठवण

Economic Survey: आर्थिक सर्वेक्षण अहवाल सांगतोय २०२५ हे…

Forest department ignorance about elephant capture campaign in Sindhudurg district

सिंधुदुर्ग जिल्ह्यात हत्ती पकड मोहिमेबद्दल वनविभाग उदासीन; १० फेब्रुवारी पासून साखळी उपोषण

Gangasagar, who is now a 65-year-old ‘Aghori’ known as Baba Rajkumar

आश्चर्यच! २७ वर्षांपूर्वी घर सोडून गेलेला व्यक्ती महाकुंभमेळ्यात भेटला, पण…; कुटुंबाने केली डीएनए चाचणीची मागणी!

भोसलेकालीन ‘आमराई’ ओसाड होण्याच्या मार्गावर!

nine bangladeshi nationals arrested from nalasopara

बांग्लादेशातून नदी पार करून भारतात प्रवेश; नालासोपाऱ्यातून नऊ बांगलादेशी नागरिकांना अटक

lottery for 2264 houses of mhadas Konkan Mandal which postponed three times has finally release on 5th February

अखेर म्हाडाच्या कोकण मंडळाच्या २२६४ घरांच्या सोडतीला मुहूर्त मिळाला, मुख्यमंत्र्यांच्या हस्ते ५ फेब्रुवारीला सोडत

maharashtra awaits additional railway trains for maha kumbh mela

तीर्थक्षेत्र दर्शनासाठी राज्याला अतिरिक्त रेल्वे गाड्यांची प्रतीक्षा; कुंभमेळ्यामुळे गाड्यांची कमतरता

पावसाची शक्यता कुठे?

कोकण विभागातील मुंबई, ठाणे भागांत १६, १७ ऑक्टोबर, तर रत्नागिरी, रायगड, सिंधुदुर्ग आदी जिल्ह्यांत १६ ते १८ ऑक्टोबर या कालावधीत पावसाची शक्यता आहे.

पश्चिम महाराष्ट्रात पुणे, नगर, कोल्हापूर, सातारा, सांगली, सोलापूर आदी जिल्ह्यांतही १६ ते १८ या कालावधीत हलक्या ते मध्यम स्वरूपाच्या पावसाचा अंदाज आहे.

मराठवाडय़ात औरंगाबाद, उस्मानाबाद, परभणी, बीड, नांदेड, लातूर आदी भागांतही याच कालावधीत पावसाची शक्यता आहे. विदर्भात १६ ऑक्टोबरपासून अनेक ठिकाणी हवामान कोरडे होईल.

First published on: 16-10-2022 at 01:35 IST

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Rain stopped before diwali return journey seasonal wind ysh

दिवाळीआधी पावसाची सुटी