पुणे : समाजमाध्यमात झालेल्या ओळखीतून युवतीवर बलात्कार करण्यात आल्याची घटना उघडकीस आली. याप्रकरणी एका तरुणाला सहकारनगर पोलिसांनी अटक केली.सूरज विकी गायकवाड (रा. तानाजीनगर, धनकवडी) असे अटक करण्यात आलेल्याचे नाव आहे. त्याच्याविरुद्ध बलात्कार, तसेच बालकांचे लैंगिक अत्याचारांपासून संरक्षण कायद्यान्वये (पोक्सो) गु्न्हा दाखल करण्यात आला. आरोपी सूरजची समाजमाध्यमातून युवतीशी ओळख झाली होती. युवती अल्पवयीन असल्याची माहिती सूरजला होती. युवतीला जाळ्यात ओढून त्याने घरी बोलावले. त्याने तिला धमकावून बलात्कार केला. त्यानंतर युवतीला त्याने फिरायला नेले. सूरजने मुलीला धमकावून वेळोवेळी बलात्कार केला. मुलगी गर्भवती झाली. पोलीस उपनिरीक्षक साळुंखे तपास करत आहेत.
