चिंचवड : “दुःख उराशी बाळगून आम्ही पोटनिवडणूक लढवत आहोत”, लक्ष्मण जगताप यांच्या बंधूंची प्रतिक्रिया; म्हणाले, “आमचा विजय..”

शंकर जगताप म्हणाले की, दरवेळेस उमेदवारी अर्ज भरत असताना उत्साह असायचा, तो भाऊंच्या जाण्याने कमी झाला आहे. काळजावर दगड ठेवून आम्ही पोटनिवडणुकीला सामोरे जात आहोत. आज वाहिनींचा अर्ज भरायला निघालो असलो, तरी त्या दुःखातून आम्ही सावरलो नाहीत. ते दुःख उराशी बाळगून निवडून येण्यासाठी सज्ज आहोत. पालकमंत्री चंद्रकांत पाटील, प्रदेशाध्यक्ष चंद्रशेखर बावनकुळे, मंत्री गिरीश महाजन, शहराध्यक्ष आमदार महेश लांडगे आदी उपस्थित राहणार आहेत. आमचा विजय निश्चित आहे, असा विश्वास शंकर जगताप यांनी व्यक्त केला आहे.

हेही वाचा – जीवघेण्या कर्करोगांची संख्या आजही अधिकच, उशिरा निदान गंभीर, तज्ज्ञ डॉक्टरांचे मत

हेही वाचा – होय आम्ही लढतोय, उद्या फॉर्म भरतोय; कसबा निवडणुकीवर हिंदू महासंघाची भूमिका

तर, दिवंगत आमदार लक्ष्मण जगतापांच्या कन्या ऐश्वर्या म्हणाल्या की, दुःखातून आम्ही अद्याप सावरलेलो नाही. गेली तीस वर्षे आईने पडद्यामागे राहून वडिलांना पाठिंबा दिला. यामुळे आमचा विजय नक्की होईल, असे वाटते. वडिलांनी ज्या प्रकारे जनतेवर प्रेम केले, तसेच प्रेम आमच्यावर करा, असे आवाहन त्यांनी नागरिकांना केले आहे.