बारामतीत पिस्तुलाच्या धाकाने व्यापाऱ्याची लूट, ग्रामीण पोलिसांकडून तिघे गजाआड

शाह यांचे बारामती तालुक्यातील लोखंडे वस्ती वंजारवाडी येथे भंगार माल खरेदीचे दुकान आहे. शाह २३ सप्टेंबर रोजी दुकानात होते. त्यावेळीभंडलकर आणि साथीदार हे मोटारीतून तेथे आले. पांढऱ्या रंगाच्या मोटारीवर वाहन क्रमांकाची पाटी नव्हती. आरोपींनी शाह यांच्याकडे पोलीस असल्याची बतावणी केली. तू चोरीचा माल खरेदी करतो. ‘१५ लाख रुपये न दिल्यास भिगवण पोलीस ठाण्यात दाखल गुन्ह्यात तुला अटक करतो’,अशी धमकी चोरट्यांनी त्यांना दिली.

हे ही वाचा…कल्याणमधील दुर्गाडी किल्ल्याजवळील ४० फुटी रस्त्यावरील २२ अतिक्रमणे जमीनदोस्त,भटाळे तलाव बुजवून उभारली होती बेकायदा बांधकामे

शाह यांनी आरडाओरड केली. तेव्हा एका आरोपीने पिस्तूल काढून त्यांना धमकावले. त्यांना मोटारीत बसवून अपहरण केले. त्यानंतर दौंड -नगर रस्त्यावर चिखली गावाजवळ असलेल्या पेट्रोल पंपावर शाह यांना सोडून आरोपी पसार झाले. त्यानंतर त्यांनी बारामती तालुका पोलीस ठाण्यात फिर्याद दिली. पोलिसांकडून याप्रकरणाचा तपास करण्यात येत होते. स्थानिक गुन्हे अन्वेषण शाखेचे पथक समांतर तपास करत हाेते. पोलिसांनी सीसीटीव्ही चित्रीकरण तपासले. तेव्हा मोटार आराेपी संतोष भंडलकर याची असल्याचे तपासात निष्पन्न झाले.

हे ही वाचा…अपघातात मृत पावलेल्या दुचाकीस्वाराच्या कुटूंबियांना साडेचार कोटींची नुकसान भरपाई, मोटार अपघात दावा न्यायाधिकरणाचे आदेश

भंडलकर आणि साथीदार एका सराफ व्यावसायिकाला लुटण्याच्या तयारीत असल्याची माहिती तपास पथकाला मिळाली. त्यानंतर पोलिसांच्या पथकाने आरोपींना सोलापूर महामार्गावर हिंगणगाव परिसरात सापळा लावून पकडले. अटक करण्यात आलेले आरोपी सराइत असून, त्यांच्याविरुद्ध दहा गु्न्हे दाखल आहेत. पोलीस अधीक्षक पंकज देशमुख, अतिरिक्त अधीक्षक गणेश बिराजदार, उपविभागीय अधिकारी सुदर्शन राठोड यांच्या मार्गदर्शनाखाली ही कारवाई करण्यात आली.