दाभोलकर यांची हत्या करणाऱ्या दोन अज्ञात हल्लेखोरांबाबत माहिती देणाऱ्यास दहा लाख रुपयांचे बक्षीस जाहीर करण्यात आले आहे. मुख्यमंत्री पृथ्वीराज चव्हाण यांनी ही माहिती दिली आहे. दाभोलकर यांच्या निर्घृण हत्येमागे कोण आहे, याचा पुरेपूर छडा लावण्याचे आदेश पोलिसांना देण्यात आले असून पुणे क्राइम ब्रँचकडे तपासाची सूत्रे देण्यात आली आहेत. डॉ. दाभोलकर यांच्यावर हल्ला करणाऱ्यांची अचूक माहिती देणाऱ्यास पुणे पोलिसांनीही एक लाख रुपयांचे इनाम जाहीर केले आहे. पोलिसांनी हल्लेखोरांपैकी एका संशयिताचे रेखाचित्र मंगळवारी सायंकाळी जारी केले आहे. त्यासाठी ९९२३६९५३१५ किंवा ०२०-२६११२२२२ या क्रमांकावर माहिती कळवावी, असे आवाहन पोलिसांनी केले आहे.