आंध्र प्रदेशमध्ये दुर्घटनेत बारामतीतील सात ठार

सागर अंकुश रसाळ, सागर बाळासाहेब रसाळ, अजित रामचंद्र रसाळ (रा. देऊळगाव), अनिल सत्यवान गवळी, शेखर बापुराव गवळी, हृषीकेश पोपट गवळी आणि गणेश बाळासाहेब खराडे (रा. उंडवडी सुपे) अशी मृत्यू झालेल्यांची नावे आहेत. हे सर्व जण पंचवीस ते तीस वयोगटातील होते.
पोलिसांनी दिलेल्या माहितीनुसार, बारामती तालुक्यातील उंडवडी सुपे आणि देऊळगाव रसाळ या गावातील सात तरुण तिरूपतीच्या बालाजीच्या दर्शनासाठी स्कॉíपओ मोटारीने रविवारी गेले होते. मोटारीने सोमवारी अडीचच्या सुमारास पेडाबोदमन गावाजवळ एका घराला धडक दिल्याने सात जणांचा मृत्यू झाला. चालकाचे मोटारीवरील नियंत्रण सुटून हा अपघात झाला असण्याची शक्यता आहे. पाच जण जागीच ठार झाले. तर दोघांचा उपचारादम्यान मृत्यू झाला आहे.