“अजित पवार शिंदे-फडणवीसांबरोबर जातील याचा अंदाज…”, राष्ट्रवादीतील फुटीनंतर रोहित पवारांचं मोठं विधान

रोहित पवार म्हणाले, “अजित पवार शिंदे-फडणवीस सरकारबरोबर जातील याचा अंदाज कुणालाही नव्हता, पण भाजपा राष्ट्रवादी काँग्रेस पक्षाला फोडेल याचा नक्कीच काही प्रमाणात अंदाज होता. कारण आज लोकांचा भाजपाला पाठिंबा राहिला नाही. त्यामुळे भाजपा शिवसेनेला जसं फोडलं तसं राष्ट्रवादी काँग्रेसला फोडेल असा अंदाज होता.”

“भाजपा हे विसरून गेले की, ते एकटे राहिले तरी…”

“लोकनेत्यांनी सुरू केलेले शिवसेना आणि राष्ट्रवादी हे दोनच पक्ष भाजपाला महाराष्ट्रात एकहाती सत्ता आणण्यापासून रोखू शकत होत्या. हे भाजपाला माहिती असावं. त्यामुळे या पक्षांना फोडलं की आपण शेवटी एकटं राहू असं त्यांना वाटतं. ते हे विसरून गेले की, ते एकटे राहिले तरी लोक आपल्याला निवडून देतात,” असं मत रोहित पवार यांनी व्यक्त केलं.

हेही वाचा : VIDEO: ‘शरद पवार’ हे दोन शब्द सोडून सगळं बोलले अजित पवार

रोहित पवारांचा बंडखोर व भाजपाला इशारा

“हे सर्व पाहता इतर ठिकाणी हे प्रकार यशस्वी होऊ शकतात, पण महाराष्ट्रात हे जमणार नाही. कारण लोक हे जमू देणार नाहीत,” असं म्हणत रोहित पवारांनी बंडखोरांना आणि भाजपाला सूचक इशारा दिला.