केंद्रीय हवाई वाहतूक मंत्र्याच्या पुण्यातच प्रवाशांची ‘वाऱ्यावरची वरात’!

पुणे विमानतळावरील धावपट्टी दररोज सकाळी ८ ते १०.३० या वेळेत प्रवासी विमानांच्या वाहतुकीसाठी बंद ठेवण्यात येते. पुणे विमानतळ हे हवाई दलाचे असून, या कालावधीत हवाई दलाचा सराव आणि इतर कामे सुरू असतात. त्यामुळे प्रवासी विमानांचे उड्डाण होत नाही आणि ही विमाने विमानतळावर उतरूही शकत नाहीत. हवाई दलाने बुधवारी अरितिक्त अर्ध्या तासासाठी धावपट्टी ताब्यात घेतली. त्यामुळे प्रवासी विमानांसाठी सकाळी ८ ते ११ या वेळेत प्रवासी विमानांची ये-जा बंद राहिली. याचबरोबर अनेक विमानांना दोन ते तीन तासांहून अधिक विलंब झाला.

आणखी वाचा

मुंबई विमानतळावरून पावणेतीन कोटींचे सोने जप्त, दोन कर्मचाऱ्यांना अटक

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

पंतप्रधानांच्या दौऱ्यानिमित्त ड्रोन, पॅराग्लायडर उड्डाणास बंदी; आदेशाचा भंग केल्यास कारवाईचा इशारा

मोबाइल चोरणाऱ्या सराइतांना अटक; १२ मोबाइल संच जप्त; ९ गुन्हे उघड

विधानसभा निवडणुकीच्या पार्श्वभूमीवर दक्षिण मुंबईत कारवाई ; सव्वा दोन कोटींची रोख जप्त

जेट एअरवेजच्या फेर-उड्डाणाची शक्यता संपुष्टात; सर्वोच्च न्यायालयाचा कंपनी अवसायानांत काढण्याचे आदेश

जेट एअरवेज: उदय-अस्ताचा ३२ वर्षांचा प्रवास

विदेशी पाहुण्यांचा मुंबई खाडीकिनारी विहार

आणखी वाचा-इतिहास विकण्याचा नवा धंदा! खासदार सुप्रिया सुळेंचा रोख कुणावर

पुणे विमानतळावरील धावपट्टी अतिरिक्त अर्धा तासासाठी सकाळी १०.३० ते ११ या वेळेते बंद राहिल्याने त्यावेळी नियोजित विमानांचे वेळापत्रक कोलमडले. या कालावधीत दिल्ली-पुणे ही दोन विमाने आणि चेन्नई-पुणे हे एक विमान विमानतळावर येणार होते. धावपट्टी बंद असल्याने ही तिन्ही विमाने मुंबईला वळविण्यात आली. यामुळे प्रवाशांना मोठ्या गैरसोयीचा सामना करावा लागला. अनेक प्रवाशांना ऐनवेळी ही माहिती देण्यात आल्याने त्यांच्या पुढील प्रवास नियोजनावर पाणी फिरले. याबद्दल अनेक प्रवाशांनी समाज माध्यमावर नाराजी व्यक्त केली आहे.

पुणे विमानतळावरील धावपट्टी हवाई दलाने अतिरिक्त अर्ध्या तासासाठी ताब्यात घेतली होती. त्यामुळे या अर्ध्या तासातील नियोजित विमानांना फटका बसला. या कालावधीतील तीन विमाने दुसरीकडे वळविण्यात आली. -संतोष ढोके, संचालक, पुणे विमानतळ

आणखी वाचा-पिंपरी : राष्ट्रवादीने चिंचवडवर दावा केल्यानंतर आता भाजपचा ‘या’ मतदारसंघावर दावा

विमानतळावर तीन तास आधी बोलावतात. पुणे ते बंगळुरू हे विमान तब्बल सहा तास पुढे ढकलण्यात आले. आम्ही नऊ तासांपासून विमानतळावर बसून आहोत आणि आम्हाला जेवणही देण्यात आले नाही. एअर इंडियाचे कर्मचारी केवळ वैमानिकामुळे विमानाला विलंब झाल्याचे कारण देत आहेत. -प्रवासी

दिल्ली ते पुणे हे विमान पुणे विमानतळावरील धावपट्टी उपलब्ध नसल्याने सकाळी १०.४५ वाजता मुंबईला वळविण्यात आले. हे विमान मुंबईहून दुपारी १२.४४ वाजता निघून पुण्यात दुपारी १.०५ वाजता पोहोचले. -विस्तारा