“फडणवीसांनी अजित पवारांचे हात पाय बांधून…”, पुणे अपघातानंतरच्या कारवाईवरून धंगेकरांची टीका; रुपाली ठोंबरे प्रत्युत्तर देत म्हणाल्या…

रुपाली ठोंबरे यांनी त्यांच्या फेसबूक पोस्टमध्ये म्हटलं आहे की, आमदार रवींद्र धंगेकरजी, देवेंद्र फडवणीस यांनी अजित पवारांचे हातपाय बांधले, असं तुम्ही बोलून गेलात पण तुम्हाला आठवण करून द्यायची आहे की हे तेच अजित पवार आहेत, जे महविकास आघाडीमध्ये असताना ज्यांनी तुमच्या आमदारकीसाठी हातपाय झटकून, तन, मन, धनाने जोरात काम केलं, आमच्यासारख्या कार्यकर्त्यांना जोमात काम करायला सांगितलं. अजित पवार हे सुशिक्षित, प्रशासनाचा दांडगा अनुभव असलेले, कर्तव्यदक्ष आणि काम करणारे नेते आहेत. आता अजित पवार हे महायुतीत आहेत हाच तुमचा त्रास आहे.

आणखी वाचा

Ajit Pawar: ‘नायतर आम्हाला कुत्रं विचारणार नाही’, भरसभेतच अजित पवार भडकले, पोलिसांवर व्यक्त केला संताप

Nana Patole : निकालाआधी राजकीय घडामोडींना वेग; यातच…

“…तेव्हा ‘विनाशकाले विपरीत बुद्धी’ आठवली नाही का? आता परिणाम भोगा”; रवी राणांचं अजित पवारांना प्रत्युत्तर!

“महायुतीत मिठाचा खडा टाकू नका”, मुख्‍यमंत्री एकनाथ शिंदे, उपमुख्‍यमंत्री अजित पवारांनी रवी राणांना खडसावले

“जयंत पाटील आतल्या गाठीचे, त्यांनी…”, अजित पवार गटाकडून टीका; म्हणाले, ‘यावेळी त्यांचा करेक्ट कार्यक्रम करणार’

“संजय राऊतांसारख्या लोकांना मी…”, देवेंद्र फडणवीस यांची टीका; म्हणाले, “ते माझ्या उंचीचे…”

अजित पवार म्हणाले, “धरसोड केली तर तुमची विश्वासार्हता राहात नाही”; मुख्यमंत्रीपदाबाबतही तडजोडीची तयारी!

“लाल संविधान दाखवून शहरी नक्षलवादाला प्रोत्साहन देतात” म्हणणाऱ्या देवेंद्र फडणवीसांना राहुल गांधींचं प्रत्युत्तर; म्हणाले…

रुपाली ठोंबरे यांनी म्हटलं आहे की, देवेंद्र फडणवीस हे राज्याचे उपमुख्यमंत्री तथा गृहमंत्री आहेत. तर अजित पवार हे राज्याचे उपमुख्यमंत्री आणि पुणे जिल्ह्याचे पालकमंत्री देखील आहेत. पुण्यात एका अल्पवयीन मुलाकडून मद्यधुंद अवस्थेत हा अपघात घडला त्यात दोन तरुण मुलांचा दुर्दैवी मृत्यू झाला, भयाण आणि धक्कादायक घटनेनं पुणं हादरलं आहे. त्यात खुद्द त्या खात्याच्या प्रमुखाने, गृहमंत्री देवेंद्र फडणवीस यांनी पोलीस आयुक्तालयात जाऊन कडक कारवाईचे आदेश दिले, कर्तव्यात कसूर केलेल्या पोलिसांना निलंबित केले. महायुतीचे सरकार असल्याने अजित पवार आणि देवेंद्र फडवणीस यांच्यातील समन्वय, संवाद, एकत्र काम करण्याची दोघांची शैली तुम्ही पाहताय. याच्या तुम्हाला अधिक वेदना होत आहेत याची आम्हाला जाणीव आहे.

हे ही वाचा >> “ते लोक माझा खून…”, पुणे अपघातावरून रॅप करणाऱ्या आर्यनचा कारवाईनंतर आणखी एक व्हिडीओ व्हायरल

रुपाली ठोंबरे यांनी म्हटलं आहे की, गृहमंत्र्यांनी कारवाईचे आदेश दिले म्हणजे पालकमंत्री यांच्याशी चर्चा करून एकत्रितपणे हा निर्णय घेतलेला असतो. तो तुम्हाला समजत नसेल किंवा समजूनसुद्धा फक्त विरोधक आहात म्हणून तुम्ही घडलेली घटना, गुन्हा न समजता विरोधक म्हणून केवळ टीका करत आहात. चांगले लोकप्रतिनिधी बनून आपलं पुणं, आपली युवा पिढी वाचवूया आणि घडवूया. नुसते राजकीय स्टंट नकोत. त्यामुळे कामाची दिशा भरकटत जाते. रवींद्र धंगेकरजी तुम्ही केलेल्या वक्तव्याचा जाहीर निषेध.