सुप्रिया सुळे यांचे समाजमाध्यमातील खाते हॅक प्रकरणी ग्रामीण पोलिसांकडून गुन्हा दाखल

हेही वाचा >>> पुणे: सासरच्या छळामुळे तरूणाची आत्महत्या; पत्नीसह सासू, सासऱ्यांसह सातजणांविरुद्ध गुन्हा

ग्रामीण पोलिसांच्या सायबर गुन्हे शाखेकडून तपास करण्यात येत असल्याची माहिती पोलीस अधीक्षक पंकज देशमुख यांनी दिली. सुळे यांच्या समाजमाध्यमातील खाते हॅक करण्यात आल्याचा प्रकार रविवारी उघडकीस आला. समाजमाध्यमातील खाते हॅक करून हॅकरने ४०० डाॅलरची मागणी केली. याबाबतचा संदेश प्रसारित झाल्यानंतर सुळे यांच्या स्वीय सहायक महिलेने तक्रार दिली. पोलिसांनी याबाबत समाजमाध्यम चालक कंपनीशी संपर्क साधला. सुळे यांच्या समाजमाध्यमातील खात्याचे नियंत्रण हॅकरकडून करण्यात आल्याचे उघडकीस आले. सुळे यांचे समाजमाध्यमातील खाते पूर्ववत झाले आहे. हॅकरने सुळे यांच्यासह आणखी कोणाचे खाते हॅक केले का ? यादृष्टीने तपास करण्यात येत आहे.