पुणे: द्रुतगती मार्गावर अपघात रोखण्यासाठी ‘सुरक्षा’ मोहीम; जनजागृतीसाठी २४ तास गस्त, प्रादेशिक परिवहन विभागाची १२ पथके

हेही वाचा >>>पुणे: कोथरुडमधील पतसंस्थेत पावणेदहा कोटींचा अपहार; लक्ष्मीबाई नागरी पतसंस्थेच्या अध्यक्षाला अटक

आणखी वाचा

प्रचार मिरवणूकांमुळे रिक्षा चालकांना अच्छे दिन, तीन ते चार तासांसाठी रिक्षा चालकांना मिळतात ५०० ते १ हजार रुपये

Nana Patole : निकालाआधी राजकीय घडामोडींना वेग; यातच…

शहरबात : नाकाबंदीचे फलित

पंतप्रधानांच्या दौऱ्यानिमित्त कडक पोलीस बंदोबस्त

बंदोबस्ताची रंगीत तालीम; मध्यभागात वाहतूक कोंडी

लोकजागर : सामान्य पुणेकरांना ‘व्हीआयपी’ रस्ते मिळतील का?

एपीएमसी परिसर वाहतूक कोंडीमुक्त; वाहतूक पोलिसांच्या उपाययोजनांमुळे नागरिकांना दिलासा

विनातिकीट प्रवाशांकडून ८० कोटींची दंडवसुली; सात महिन्यांतील पश्चिम रेल्वेची कारवाई

अपघातग्रस्त ठिकाणांची (ब्लॅकस्पाॅट) पाहणी करण्यात येणार असून सुरक्षेच्या दृष्टीने अपघातग्रस्त ठिकाणी वाहनचालकांना माहिती देण्यासाठी फलक लावण्यात येणार आहेत, अशी माहिती प्रादेशिक परिवहन अधिकारी डाॅ. अजित शिंदे यांनी पत्रकाद्वारे दिली आहे. द्रुतगती मार्ग तसेच राष्ट्रीय महामार्गावर रस्त्याच्या कडेला लावण्यात येणाऱ्या वाहनांवर त्वरित कारवाई करण्यात येणार आहे. वाहतुकीस अडथळा ठरणाऱ्या ठिकाणांची पाहणी करण्यात येणार आहे. दोन्ही महामार्गावर वाहतुकीच्या नियमांचे पालन करण्याबाबत ध्वनिवर्धकावरून वाहनचालकांना आवाहन करण्यात येणार आहे. टोलनाक्यावर ध्वनिवर्धकाद्वारे वाहनचालकांना वाहतूकविषयक नियमांची माहिती देण्यात येणार आहे.

हेही वाचा >>>पुणे: विद्यापीठ अधिसभेच्या प्राचार्य गटाच्या निवडणुकीचा निकाल जाहीर

भरधाव वेगाने जाणाऱ्या वाहनांवर कारवाई करण्यासाठी इंटरसेप्टर वाहनांचा वापर करण्यात येणार आहे. उजव्या मार्गिकेत कमी वेगाने जाणारे ट्रक, बस, कंटेनरचालकांच्या विरोधात कारवाई करण्यात येणार आहे. चुकीच्या पद्धतीने मार्गिका बदलणाऱ्या वाहनचालकांच्या विरोधात कारवाई करण्यात येणार आहे.

महामार्गावरील ८० टक्के अपघात वाहनचालकांच्या चुकांमुळे झाले आहेत. भरधाव वेग, निष्काळजीपणा, बेफिकिरी, नियम न पाळल्यामुळे अपघात झाल्याचे निरीक्षण आहे. वाहनचालकांनी नियमांचे पालन केल्यास गंभीर स्वरूपाचे अपघात रोखणे शक्य होईल.- विवेक भीमनवार, परिवहन आयुक्त