समय रैनाला आसाम पोलिसांकडून समन्स; बालेवाडीतील निवासस्थानी पोलिसांचे पथक

पुणे : ‘इंडियाज गाॅट लेटेंट’ या वादग्रस्त कार्यक्रमात अश्लील वक्तव्य केल्याप्रकरणी रणवीर अलाहाबादिया आणि समय रैना यांच्याविरुद्ध मुंबईसह देशभरातील वेगवेगळ्या शहरात गुन्हे दाखल झाले. याप्रकरणात आसाम पोलिसांनी त्यांना समन्स बजावले आहे. ‘इंडियाज गाॅट लेटेंट’ कार्यक्रमात वादग्रस्त, तसेच अश्लील वक्तव्य केल्याप्रकरणी रणवीर अलाहाबादिया आणि समय रैना यांच्याविरुद्ध मुंबईत गुन्हा दाखल करण्यात आला. महाराष्ट्र सायबर पोलिसांनी ही कारवाई केली. या कार्यक्रमात सहभागी झालेल्या ३० जणांविरुद्ध गुन्हा दाखल करण्यात आला आहे.