पुण्यातील दोन मंडळांच्या गणेश मूर्तीची संभाजी भिडे गुरुजींच्या हस्ते प्राणप्रतिष्ठापना

संत ज्ञानेश्वर महाराज आणि संत तुकाराम महाराजाच्या पालखी सोहळा पुणे शहरात आगमन होताच. संचेती हॉस्पिटलपासून डेक्कन येथील संभाजी महाराजाच्या पुतळ्यापर्यंत दरवर्षी संभाजी भिडे गुरुजी संबध धारकर्‍यासह सहभागी होतात. तर त्यापूर्वी जंगली महाराज मंदिरात उपस्थित धारकर्‍याना संभाजी भिडे गुरुजी विशेष मार्गदर्शन देखील करतात. पण याच पालखी सोहोळ्यास काही महिनेच झाले असताना. आता गणेशोत्सव दरम्यान संभाजी भिडे गुरुजी हे पुण्यातील श्रीमंत भाऊ साहेब रंगारी गणपती ट्रस्ट आणि दांडेकर पुलाजवळ असणार्‍या साने गुरुजी तरुण मित्र मंडळ या दोन्ही मंडळाच्या बापाच्या मूर्तीची प्राणप्रतिष्ठापणा त्यांच्या हस्ते करण्यात येणार आहे. यामुळे  संभाजी भिडे गुरुजी यावेळी काय मार्गदर्शन करणार याकडे सर्व गणेश मंडळाचे आणि नागरिकांची लक्ष लागून राहिले आहे.