पुण्यातल्या जुन्या हॉटेलांची आठवण निघाली की हमखास चर्चा होते ती नूमवि प्रशालेशेजारच्या ‘संतोष भुवन’ या हॉटेलची. सहकुटुंब जाण्यासाठी पुण्यात तशी खूप कमी हॉटेल्स ज्या काळात होती, तो हा काळ. मसाला डोसा आणि इतर अनेक पदार्थासाठी ‘संतोष भुवन’ची पुण्यात ख्याती होती. कर्नाटकातून पुण्यात आलेल्या गिरिअप्पा मिजार यांनी हे हॉटेल १९३८ च्या दरम्यान सुरू केलं होतं. त्यांच्या हाताला चव होती आणि तीच चव मिजार यांच्या पुढच्या पिढय़ांमध्येही आली. मिजार यांची तिसरी पिढी आज हॉटेल व्यवसायात आहे. ‘संतोष भुवन’ काही कारणांनी बंद करून त्याच नावानं मिजार यांनी टिळक रस्त्यावर अभिनव महाविद्यालयाजवळ नव्यानं हॉटेल सुरू केलं. पुढे हे हॉटेल त्यांचे पुत्र घनश्याम ऊर्फ राजाभाऊ मिजार यांनी चालवलं. त्यातूनच त्यांनी याच जागेत ‘केदार भोजनालय’ हे घरगुती जेवण देणारं भोजनालय सुरू केलं. ‘संतोष भुवन’ एवढंच व्यावसायिक यश या भोजनालयानंही मिळवलं. या व्यवसायाचे संस्थापक घनश्याम यांच्या निधनानंतर राजाभाऊ मिजार यांनी टिळक रस्त्यावरच्याच जागेत ‘संजीविनी’ हे हॉटेल ४ फेब्रुवारी १९८५ मध्ये सुरू केलं. आज या हॉटेलची सफर करू या.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
