पुणे:राज्य उत्पादन शुल्क विभागाकडून विदेशी मद्यासह एक कोटी रुपयांचा मुद्देमाल जप्त

राज्य उत्पादन शुल्क विभागाने तळेगाव दाभाडे येथे छापा टाकून सुमारे ८७ लाख ८९ हजार ५२० रुपये किमतीच्या विदेशी मद्यासह एक कोटी पाच लाख सात हजार ५२० रुपये किमतीचा मुद्देमाल जप्त करण्यात आला.जुन्या पुणे-मुंबई महामार्गावर हॉटेल शांताई समोर रस्त्यावर सापळा रचून गोवा राज्यनिर्मित आणि केवळ गोवा राज्यात विक्रीला असलेला विदेशी मद्याचा साठा घेऊन जाणारा ट्रक जप्त करून कारवाई करण्यात आली. या ट्रकमधील विदेशी मद्याची १२६७ खोकी जप्त करण्यात आली.