शरद पवार आणि अजित पवार उद्या एकाच व्यासपीठावर?

बीड जिल्ह्यातील मस्साजोग गावाचे सरपंच संतोष देशमुख यांंच्या खून प्रकरणावरून मंत्री धनंजय मुंडे यांच्यावर आरोप होत आहेत. मुंडे यांनी राजीनामा द्यावा, अशी मागणी राष्ट्रवादी (शरद पवार) पक्षासह अन्य विरोधी पक्षांनी सातत्याने केली आहे. अजित पवार हे मुंडे यांची पाठराखण करत असल्याने अजित पवार यांच्यावरही टीका होत आहे. या पार्श्वभूमीवर शरद पवार आणि अजित पवार बारामतीमध्ये कृषिक प्रदर्शनाच्या निमित्ताने गुरुवारी एकाच मंचावर येणार आहेत. त्यामुळे या प्रदर्शनाच्या निमित्ताने राजकीय टीका-टिप्पणी होणार का, याकडे राज्याचे लक्ष लागले आहे.

आणखी वाचा

शरद पवारांच्या राजकीय ऱ्हासाला सुरुवात : आशिष शेलार

Ravindra Chavan : ‘उपरा’ डोंबिवलीकर ते भाजप प्रदेश…

Ajit Pawar : शरद पवारांच्या पक्षातील खासदारांना ऑफर दिली होती का? अजित पवार स्पष्टच बोलले, “आम्ही…”

शरद पवारांनी संघाचे कौतुक करताच अजित पवारांच्या ‘या’ आमदाराने व्यक्त केली खंत, म्हणाले…

Sharad Pawar NCP: सुप्रिया सुळे वगळता शरद पवार गटाच्या ७ खासदारांना होती अजित पवार गटाकडून ‘ऑफर’, पडद्यामागे घडतंय काय?

“घटनेस जबाबदार असलेल्या व्यक्तीचा नामोल्लेख…”, संतोष देशमुख हत्याप्रकरणी शरद पवारांचं थेट मुख्यमंत्र्यांना पत्र

कृषी व पशुसंवर्धन क्षेत्रात काम करणाऱ्यांना कृषी विद्यापीठाने साथ द्यावी ; शरद पवार यांची अपेक्षा

Sujay Vikhe : ‘महाराष्ट्रातील भिकारी येथे गोळा झालेत, शिर्डीतील मोफत जेवण बंद करा’, सुजय विखेंचं विधान चर्चेत

हेही वाचा – कर्मचाऱ्यांच्या ताणावर ॲपची मात्रा ! पुणे महापालिका प्रशासनाचा स्थायी समितीसमोर प्रस्ताव

राष्ट्रवादी काँग्रेसमधील फुटीनंतर पवार कुटुंबीयातील संघर्ष टोकाला पोहोचला होता. पक्ष फुटीनंतर पवार कुटुंबीयातही फूट पडली होती. लोकसभा निवडणुकीत अजित पवार यांनी सुप्रिया सुळे यांच्याविरोधात त्यांची पत्नी सुनेत्रा यांना उमेदवारी दिली होती. मात्र, सुनेत्रा पवार यांना मोठ्या फरकाने पराभूत व्हावे लागले होते. तसेच अजित पवार यांच्या राष्ट्रवादी काँग्रेसचीही लोकसभा निवडणुकीत पिछेहाट झाली. त्यानंतर झालेल्या विधानसभा निवडणुकीत मात्र अजित पवार यांनी बारामतीमधून एक लाखाच्या मताधिक्याने विजय मिळविला. अजित पवार यांच्या विरोधात राष्ट्रवादी (शरद पवार) पक्षाकडून त्यांचे पुतणे युगेंद्र पवार यांना उमेदवारी दिली होती. विधानसभा निवडणूक प्रचारातही पवार कुटुंबीयांकडून भावनिक मुद्दा उपस्थित करण्यात आला होता.

हेही वाचा – वाल्मिक कराडचं पिंपरी-चिंचवड कनेक्शन; कोट्यवधींचा फ्लॅट असल्याचं उघड, महानगरपालिकेने बजावली नोटीस

विधानसभा निवडणुकीत अजित पवार यांच्या राष्ट्रवादीला मोठे यश मिळाल्यानंतर शरद पवार आणि अजित पवार एकत्र येणार असल्याची चर्चा राजकीय वर्तुळात रंगली होती. त्यातच ‘ताटात पडलं काय किंवा वाटीत पडलं काय’ असे वक्तव्य करून अजित पवार यांनी एकत्र येण्याबाबतचा संभ्रम कायम ठेवला आहे.