शिरुर: अपहरण झालेल्या १० वर्षाच्या बालिकेची सुटका करित ३ आरोपींना पोलीसांनी घेतले ताब्यात

त्यानुसार पोलीस अंमलदार नितेश थोरात, विजय शिंदे, रविंद्र आव्हाड यांनी अपहरण झालेली बालिका व अज्ञात आरोपींचा शोध घेण्याकरीता शिरूर शहरामधील सुमारे १०० पेक्षा अधिक सी.सी.टी.व्ही. फुटेज तपासले. तपास करीत असताना गुन्हा घडलेल्या ठिकाणापासुन सी .सी .टी .व्ही फुटेज तपासून तांत्रिक विश्लेषन केले असता अपहरण झालेल्या बालिकेचे १) लताबाई बसीर काळे २) आकाश बसीर काळे ३) सुप्रिया उर्फ रॅम्बो आकाश काळे, सर्व रा .सोने सांगवी, ता. शिरूर जि .पुणे हे यांनी या बालिकेचे अपहरण केल्याचे प्राथमिक तपासामध्ये निष्पन्न झाल्यावर १) लताबाई बसीर काळे २) आकाश बसीर काळे ३) सुप्रिया उर्फ रॅम्बो आकाश काळे यांना ताब्यात घेण्यात आले . आरोपीनी बालिकेचे अपहरण करून तीला बेलापूर मुंबई येथे नातेवाईकांकडे ठेवले होते. नातेवाईकांकडे ठेवताना ही मुलगी आमची असुन आम्ही उपचारासाठी दवाखान्यामध्ये जात आहोत. आम्ही परत आल्यावर तीला घेवून जातो असे खोटे सांगितले होते. अपहरण झालेल्या बालिकेस बेलापूर येथून पोलीस पथक शिरुरला घेवून आले व या बालिकेस नातेवाईकांकडे सूपूर्त केले .