शिरूरमधील लढत दोन ‘राष्ट्रवादीं’मध्ये?

जिल्ह्यातील शिरूर मतदारसंघावरून महायुतीतील भाजप आणि राष्ट्रवादीमध्ये जोरदार रस्सीखेच सुरू आहे. विधानसभा निवडणुकीत हा मतदारसंघ भाजपला हवा आहे. लोकसभा निवडणुकीतही शिरूर मतदारसंघातून निवडणूक लढविण्यासाठी भाजपने तयारी केली होती. मात्र, ऐन वेळी हा मतदारसंघ राष्ट्रवादी (अजित पवार) पक्षाला देण्यात आला आणि अजित पवार यांनी शिवसेनेचे (शिंदे) माजी खासदार शिवाजीराव आढळराव पाटील यांना पक्षात घेत त्यांना उमेदवारी दिली होती. या मतदारसंघात राष्ट्रवादी (अजित पवार) पक्षाकडे तुल्यबळ उमेदवार नाही. तर, भाजपकडून जिल्हा परिषदेचे माजी उपाध्यक्ष प्रदीप कंद निवडणूक लढविण्यासाठी इच्छुक आहेत.

आणखी वाचा

भाजपकडून पाेलीस बंदाेबस्तात पैशांचे वाटप? ‘मविआ’चा आरोप, महायुतीचेही प्रत्युत्तर..

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

संजू सॅमसनच्या ‘त्या’ कृतीने जिंकली चाहत्यांची मनं, षटकारामुळे घायाळ झालेल्या चाहतीची घेतली भेट अन्…, पाहा VIDEO

“…अन् प्रियांका गांधींनी भाजपाचे दात घशात घातले”, पंतप्रधान मोदींच्या ‘त्या’ आव्हानाला उद्धव ठाकरेंचं प्रत्युत्तर

ऐरोलीतील बंडखोरांना शिंदे गटाचे अभय? बेलापुरात कारवाई, ऐरोलीत आस्ते कदम

काँग्रेस उमेदवार धावत गेला भाजप कार्यालयात…आतमध्ये जे घडले…

कोकणात सर्वाधिक बंडखोरी भाजपमध्ये

बंडखोरांवर कारवाईचा बडगा, अकोला ग्रामीण राष्ट्रवादीचे जिल्हाध्यक्ष निलंबित

हेही वाचा : ‘सारथी’च्या परदेशी शिक्षण शिष्यवृत्तीची निवडयादी कधी जाहीर होणार?

महाविकास आघाडीचा विचार करता, राष्ट्रवादी (शरद पवार) पक्षाचे अशोक पवार विद्यमान आमदार आहेत. त्यांना कोणाचे आव्हान असणार, याची चर्चा सातत्याने होत आहे. महाविकास आघाडीतील घटक पक्ष असलेला शिवसेनेचे (ठाकरे) जिल्हाप्रमुख माऊली कटके निवडणूक लढविण्यास इच्छुक होते. मात्र, ही जागा मिळणार नसल्याचे लक्षात आल्यानंतर त्यांनी अन्य पक्षात जाण्याच्या दृष्टीने चाचपणी केली. त्यांनी मुख्यमंत्री एकनाथ शिंदे यांचीही भेट घेतली होती. त्यामुळे शिरूरची जागा शिवसेना (शिंदे) पक्षाकडे जाईल, अशी चर्चा सुरू झाली असतानाच कटके यांनी राष्ट्रवादी (अजित पवार) पक्षात प्रवेश केला. त्यामुळे ते संभाव्य उमेदवार असतील, अशी चर्चा सुरू झाली आहे.