धक्कादायक : पुण्यात मालमत्तेच्या वादातून नातवाकडून आजीचे अपहरण

याबाबत अपहृत महिलेच्या विवाहित मुलीने मुंढवा पोलीस ठाण्यात फिर्याद दिली आहे. मुंढव्यातील केशवनगर भागात ज्येष्ठ महिला राहायला आहे.

तक्रारदार महिलेची आई आणि वडील दोघे शासकीय नोकरदार होते. दोघे जण सेवानिवृत्त झाले आहेत. वीस वर्षीय नातू आजीकडे दागिने आणि पैशांची मागणी करत होता. त्याच्या वडिलांनी आईकडून पैसे घेतले होते. मालमत्तेवरुन नातू, त्याचे वडील आणि सावत्र आई आईशी वाद घालत होते. आरोपींनी संगमत करुन आईचे अपहरण केल्याचे तक्रारदार महिलेने फिर्यादीत म्हटले आहे.