पुणे शहरातील रस्त्यांच्या दुरवस्थेबाबत खासदार गिरीश बापट यांचे मौन

महापालिका आयुक्त, प्रशासक विक्रम कुमार यांची खासदार गिरीश बापट यांनी काही प्रश्नांसंदर्भात महापालिकेत भेट घेतली. शहरातील मेट्रो प्रकल्प, नदी सुधार योजना, घोरपडी रेल्वे पूल यांच्यासह अन्य विषयासंदर्भात बापट यांनी आयुक्तांबरोबर चर्चा केली. शहराच्या दृष्टीने महत्त्वाची असलेली कामे तातडीने पूर्ण करण्याची सूचना बापट यांनी आयुक्तांना केली.

आणखी वाचा

नागपूर : सीआयडी अधिकाऱ्यांची आरोपींना मदत; रितिका मालू ‘हिट अँड रन प्रकरण’

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

भंडारा : गुण वाढवण्यासाठी प्राचार्यांनी विद्यार्थिनींकडे केली शरीरसुखाची मागणी

टीएमटी चालकांची सकाळ संध्याकाळ तपासणी;  चालकांसाठी सुचनांची यादी

दुसरी महापालिका ही पुण्याची निकड ? कोणी मांडली भूमिका

अमरावती : थंडीची लाट…! विभागीय आयुक्तांनी काय दिला इशारा?

मालेगाव बाजार समितीचे सभापती अद्वय हिरे अपात्र, शिवसेना ठाकरे गटाला धक्का

पुणे : रात्रीत पोलीस असतातच कोठे ? गंभीर घटनांची जबाबदारी घेणार का?

दर दोन महिन्यांनी आयुक्तांबरोबर चर्चा –

“शहरातील खड्ड्यांवर चर्चा झालीच पाहिजे. मात्र सध्या अन्य काही महत्त्वाचे विषय असल्याने त्यावर चर्चा झाली नाही. येत्या काही दिवसांत त्याबाबत प्रशासनाबरोबर बैठक घेण्यात येईल आणि आवश्यक त्या सूचना केल्या जातील. विमानतळ रस्त्याचा प्रश्नही लवकर सुटणार आहे. दर दोन महिन्यांनी आयुक्तांबरोबर चर्चा केली जाते.”, असेही बापट यांनी स्पष्ट केले.

… म्हणून खड्डे दुरुस्तीच्या विषयावर चर्चा झाली नाही – बापट

“संसदेचे अधिवेशन सुरू होण्यापूर्वी प्रलंबित प्रश्नासंदर्भात आयुक्तांबरोबर चर्चा करण्यात आली. खडकी येथील मेट्रोचे काम काही कारणांनी थांबले आहे. काही जागा अद्यापही ताब्यात आलेल्या नाहीत. त्याबाबत प्रशासनाला सूचना केली. त्याचबरोबर अमृत योजना, नदी सुधार योजनेच्या कामांचा आढावा घेण्यात आला. तातडीचे प्रलंबित आणि महत्त्वाचे विषय असल्याने खड्डे दुरुस्तीच्या विषयावर चर्चा झाली नाही.” असे खासदार गिरीश बापट यांनी सांगितले.

शरद पवारांवर टीका –

राष्ट्रवादी काँग्रेसचे अध्यक्ष, माजी केंद्रीय मंत्री शरद पवार यांच्यावर खासदार गिरीश बापट यांनी टीका केली. देशात केंद्र सरकारची सध्या हुकूमशाही सुरू आहे, असे विधान पवार यांनी केले होते. शरद पवार यांच्या सांगण्यावरून दिल्लीत राजकारण चालत नाही, असे बापट म्हणाले.