पुणे : अपघातात गंभीर जखमी झाल्याने मेंदू मृत घोषित केलेल्या अकरा वर्षांच्या मुलामळे इतर तीन मुलांना नवजीवन मिळाले आहे. या मेंदू मृत मुलाची दोन्ही मूत्रपिंडे आणि हृदय अशी तीन अवयवयांचे प्रत्यारोपण करण्यात आले. अवयवांचे प्रत्यारोपण झालेल्या तिन्ही मुलांची प्रकृती आता स्थिर आहे.
सातारा येथील एका मुलाचा अपघात घडला होता. त्याला उपचारासाठी तेथील सरकारी रुग्णालयात दाखल करण्यात आले. मात्र, प्रकृती गंभीर असल्याने त्याला सातारा येथून पुण्यातील ससून सर्वोपचार रुग्णालयात आणण्यात आले. यानंतर ससून रुग्णालयातील डॉक्टरांनी या मुलाला मेंदू मृत घोषित केले. मेंदू मृत मुलाचे कुटुंबीय मूळचे विदर्भातील बुलढाणा जिल्ह्यातील आहेत. सध्या ते सातारा येथे शेत मजुरीचे काम करतात. रुग्णालयातील समुपदेशकांनी केलेल्या अवयवदानाच्या आवाहनास मुलाच्या पालकांनी सकारात्मक प्रतिसाद दिला.
यानंतर पुणे विभागीय प्रत्यारोपण समन्वय समितीने नियमांनुसार अवयवांचे वितरण केले. या मुलाच्या अवयवदानातून प्राप्त झालेले एक मूत्रपिंड कमांड हॉस्पिटलमधील रुग्णाला आणि दुसरे सिम्बायोसिस हॉस्पिटलमधील रुग्णाला देण्यात आले. मुलाचे हृदय डॉ. डी. वाय. पाटील रुग्णालयातील एका रुग्णाला देण्यात आले. या तिन्ही रुग्णांवर अवयव प्रत्यारोपणाची शस्त्रक्रिया करण्यात आली असून त्यांची प्रकृती स्थिर आहे.
चालू वर्षातीत तिसरे अवयवदान
पुणे विभागात चालू वर्षातील हे तिसरे मरणोत्तर अवयवदान ठरले आहे. सातारा येथील सरकारी रुग्णालय अवयवदानासाठी नोंदणीकृत नसल्याने या मुलाला ससूनमध्ये आणण्यात आले. त्यामुळे हे अवयवदान होऊ शकले. या अवयवदानाच्या संपूर्ण प्रक्रियेत मुलाचे पालक, पुणे विभागीय प्रत्यारोपण समन्वय समिती, ससून सर्वोपचार रुग्णालय यांनी महत्त्वाची भूमिका बजावली.
सातारा येथील एका मुलाचा अपघात घडला होता. त्याला उपचारासाठी तेथील सरकारी रुग्णालयात दाखल करण्यात आले. मात्र, प्रकृती गंभीर असल्याने त्याला सातारा येथून पुण्यातील ससून सर्वोपचार रुग्णालयात आणण्यात आले. यानंतर ससून रुग्णालयातील डॉक्टरांनी या मुलाला मेंदू मृत घोषित केले. मेंदू मृत मुलाचे कुटुंबीय मूळचे विदर्भातील बुलढाणा जिल्ह्यातील आहेत. सध्या ते सातारा येथे शेत मजुरीचे काम करतात. रुग्णालयातील समुपदेशकांनी केलेल्या अवयवदानाच्या आवाहनास मुलाच्या पालकांनी सकारात्मक प्रतिसाद दिला.
यानंतर पुणे विभागीय प्रत्यारोपण समन्वय समितीने नियमांनुसार अवयवांचे वितरण केले. या मुलाच्या अवयवदानातून प्राप्त झालेले एक मूत्रपिंड कमांड हॉस्पिटलमधील रुग्णाला आणि दुसरे सिम्बायोसिस हॉस्पिटलमधील रुग्णाला देण्यात आले. मुलाचे हृदय डॉ. डी. वाय. पाटील रुग्णालयातील एका रुग्णाला देण्यात आले. या तिन्ही रुग्णांवर अवयव प्रत्यारोपणाची शस्त्रक्रिया करण्यात आली असून त्यांची प्रकृती स्थिर आहे.
चालू वर्षातीत तिसरे अवयवदान
पुणे विभागात चालू वर्षातील हे तिसरे मरणोत्तर अवयवदान ठरले आहे. सातारा येथील सरकारी रुग्णालय अवयवदानासाठी नोंदणीकृत नसल्याने या मुलाला ससूनमध्ये आणण्यात आले. त्यामुळे हे अवयवदान होऊ शकले. या अवयवदानाच्या संपूर्ण प्रक्रियेत मुलाचे पालक, पुणे विभागीय प्रत्यारोपण समन्वय समिती, ससून सर्वोपचार रुग्णालय यांनी महत्त्वाची भूमिका बजावली.
