पिंपरी: दागिन्याबाबत विचारल्याने मुलाने केले आईवर चाकूने वार

घरातील दागिने गहाण ठेवले की विकले, याबाबत आईने जाब विचारल्याचा राग आल्याने मुलाने आईवरच चाकूने वार केले. ही घटना थेरगाव येथे घडली. ओंकार ईश्वर बामणे (वय १९, रा. १६ नंबर, थेरगाव) याच्यावर गुन्हा दाखल करण्यात आला आहे. आईने वाकड पोलीस ठाण्यात फिर्याद दिली आहे. फिर्यादी आणि त्यांची दोन मुले एकत्र राहतात. ओंकार हा महाविद्यालयात शिक्षण घेत आहे.