पुणे : हिंजवडी ते शिवाजीनगर मेट्रो प्रकल्पाकडून खास ‘अग्निसुरक्षा प्रशिक्षणा’चे आयोजन

हिंजवडी माहिती तंत्रज्ञान केंद्र आणि शिवाजीनगर मध्यवर्ती केंद्र यांना जोडणारी ही मेट्रो मार्गिका अतिशय महत्त्वाची असल्याने या मार्गिकेवरील सुरक्षा विषयक तरतुदी आणि आपत्कालीन नियोजन यांचा आढावा घेण्यासाठी ताथवडे कास्टिंग यार्ड येथे या ‘अग्निसुरक्षा प्रशिक्षणा’चे आयोजन करण्यात आले होते. मेट्रो उभारणीचे काम सुरू असताना कोणकोणत्या संभाव्य कारणांमुळे आग लागण्याचा धोका असू शकतो, आगीच्या कारणानुसार ती विझवण्याचे विभिन्न मार्ग कोणते ; आणीबाणीच्या प्रसंगी अग्निशमन दलाची प्रत्यक्ष मदत पोहोचेपर्यंत कंपनीचे कर्मचारी कशा प्रकारची खबरदारी उपाययोजना करू शकतात इत्यादी विविध महत्त्वपूर्ण बाबींचे प्रशिक्षण या वेळी देण्यात आले. पुणे आयटी सिटी मेट्रो कंपनीचे वाहतूक नियमन अधिकारी, सुरक्षा अधिकारी, समन्वय अधिकारी यांच्या जोडीने पिंपरी-चिंचवड अग्निशमन दलाचे अधिकारी, कर्मचारी आणि वाहतूक पोलिस खात्याचे अधिकारी, कर्मचारी या वेळी उपस्थित होते.

आणखी वाचा

एकनाथ शिंदे यांच्या आभार दौऱ्यावरून शिवसेनेत गटबाजी

Maharashtra Politics : नाराज एकनाथ शिंदे भाजपासाठी अडचणीचे?

Vishwa Marathi Sammelan 2025 : अनोख्या उपक्रमाला पुणेकरांचा प्रतिसाद; तीन दिवसांत ३५ हजार पुस्तकांचे आदान-प्रदान

टिटवाळा-मांडामध्ये बेकायदा चाळींच्या विरुध्द तोडकामाची मोहीम

राज्यातूनच पर्यावरणविषयक परवानगी, केंद्र सरकारकडून सुधारित अधिसूचना जारी; गृहप्रकल्पांना दिलासा

मुंबई : घाटकोपरमधील व्यावसायिक इमारतीला भीषण आग

मिरजेतील इंधन साठवण आगारात सुरक्षा प्रात्यक्षिक

६९० कोटींच्या आराखड्यास मान्यता; एकनाथ शिंदेंच्या उपस्थितीत मुंबई शहर जिल्हा नियोजन समितीची बैठक

पीएमआरडीएप्रणित हिंजवडी ते शिवाजीनगर मार्गावरील मेट्रोच्या उभारणीमुळे सुलभ, वेगवान आणि स्वस्त सार्वजनिक वाहतुकीचा पर्याय उपलब्ध होणार आहे. नागरिकांच्या सुविधेसाठी हाती घेण्यात आलेल्या या प्रकल्पाच्या सर्वच टप्प्यांत गुणवत्ता आणि सुरक्षितता याबाबत कुठलीही तडजोड न करण्याचे टाटा समूहाचे धोरण आहे. त्या अंतर्गत या विशेष सुरक्षा प्रशिक्षण कार्यक्रमाचे आयोजन करण्यात आले असल्याची माहिती पुणे आयटी सिटी मेट्रो रेल लिमिटेडच्या अधिकाऱ्यांनी दिली.

हिंजवडी-शिवाजीनगर मेट्रो प्रकल्पाचा आढावा

पुणे मेट्रो मार्गिका-तीन हा हिंजवडीच्या माहिती तंत्रज्ञान केंद्राला शिवाजीनगरच्या मध्यवर्ती केंद्राशी जोडणारा २३ कि.मी.चा उन्नत मेट्रो रेल्वे प्रकल्प आहे. हा सार्वजनिक खाजगी भागीदारी (पीपीपी) प्रकल्प आहे. पीएमआरडीएद्वारे टाटा समूहाच्या ट्रिल अर्बन ट्रान्सपोर्ट प्रायव्हेट लिमिटेड (टीयूटीपीएल) आणि सिमेन्स प्रोजेक्ट व्हेंचर्स यांचा समावेश असलेल्या कन्सोर्टियमला प्रदान करण्यात आला आहे. हा प्रकल्प आरेखन, उभारणी, वित्तपुरवठा, संचालन आणि हस्तांतरण (डिझाईन, बिल्ड, फायनान्स, ऑपरेट आणि ट्रान्सफर – डीबीएफओटी) तत्त्वावर पुणे आयटीसिटी मेट्रो रेल लिमिटेड या विशेष उद्देश कंपनीद्वारे ३५ वर्षांच्या कालावधीसाठी विकसित करून चालविला जाणार आहे.