नरेंद्र मोदी यांच्या गावातील शाळेत विद्यार्थ्यांना मिळणार विशेष प्रशिक्षण

प्रेरणा शाळेत दहा जिल्ह्यातील दोनशे विद्यार्थ्यांना मार्गदर्शन आणि प्रशिक्षण दिले जाणार आहे. त्यात शंभर मुले आणि शंभर मुली अशा दोनशे विद्यार्थ्यांसाठी एक आठवड्याचे निवासी प्रशिक्षण दिले जाणार आहे. नोंदणीकृत शंभर मुले, शंभर मुली यांच्यातील निवडक दोनशे विद्यार्थ्यांपैकी छाननी करून पुणे जिल्ह्यातून दहा मुले, दहा मुलींची निवड केली जाणार आहे. त्यातील एका मुलीला व एका मुलाला राज्य पातळीवर पाठवले जाणार आहे.

हेही वाचा : लोणावळ्यातील हॉटेल मॅनेजिंग डायरेक्टरने अल्पवयीन मुलीचा केला विनयभंग; गुन्हा दाखल

या उपक्रमासाठीची नोंदणी ३ जानेवारीपासूनच सुरू झाली आहे. त्यानुसार राज्यातील ३२ हजार ६८ विद्यार्थ्यांनी नोंदणी केली आहे. त्यात यवतमाळमधील पाच हजार ७०५, तर पुण्यातील पाच हजार २५२ विद्यार्थ्यांची नोंदणी करण्यात आली आहे. त्या खालोखाल ठाणे (११०६), नाशिक (१११४), नागपूर (१३७९), अकोला (१७६२), मुंबई (२२०७), वाशिम (२६९२), लातूर (३०६१) अशा जिल्ह्यांतील विद्यार्थ्यांनी नोंदणी केली आहे.