खांबावर आदळून दुचाकीस्वारासह दोघांचा मृत्यू; आंबेगावमधील जांभुळवाडी रस्त्यावर अपघात

अपघाताची माहिती मिळताच वरिष्ठ पोलीस निरीक्षक शरद झिने यांनी घटनास्थळी भेट दिली. अपघातात गंभीर जखमी झालेल्या चोमरले आणि गुरव यांना तातडीने रुग्णालयात दाखल करण्यात आले. उपचारांदरम्यान दोघांचा मृत्यू झाला. पोलीस उपनिरीक्षक सुरेश शिंदे तपास करत आहेत. भरधाव वेगामुळे अपघात घडल्याची माहिती पोलिसांनी दिली.

कात्रज डेअरीसमोर सोमवारी दुपारी रूग्णवाहिकेच्या धडकेत दुचाकीस्वाराचा मृत्यू झाल्याची घटना घडली होती. गेल्या दोन दिवसात कात्रज परिसरात झालेल्या वेगवेगळ्या अपघातात तिघांचा मृत्यू झाला.

सोलापूर रस्त्यावर दुचाकीस्वार तरुणाचा मृत्यू

भरधाव वाहनाच्या धडकेत दुचाकीस्वार तरुणाचा मृत्यू झाल्याची घटना पुणे-सोलापूर रस्त्यावरील लोणी काळभोर भागात घडली. अशोक तुकाराम शिंदे (वय २६, रा. साळोबा वस्ती, यवत, ता. दौंड, जि. पुणे) असे मृत्युमुखी पडलेल्या तरुणाचे नाव आहे. अपघातानंतर पसार झालेल्या वाहनचालकाविरुद्ध पोलिसांनी गु्न्हा दाखल केला आहे. याबाबत दुचाकीस्वार अशोक यांचे वडील तुकाराम सखाराम शिंदे (वय ४९) यांनी लोणी काळभोर पोलीस ठाण्यात फिर्याद दिली आहे. अपघातात दुचाकीवरील सहप्रवासी तुकाराम आणि त्यांची पत्नी जखमी झाले. दुचाकीस्वार अशोक, त्यांचे वडील तुकाराम आणि आई पुणे-सोलापूर रस्त्यावरून निघाले होते. २१ फेब्रुवारी रोजी रात्री साडेदहाच्या सुमारास लोणी काळभोर परिसरातील राजलक्ष्मी लाॅनसमोर भरधाव वाहनाने दुचाकीस्वार अशोक यांना धडक दिली. अपघातानंतर घटनास्थळी न थांबता वाहनचालक पसार झाला. अपघातात अशोक यांचा मृत्यू झाला. त्यांचे वडील तुकाराम आणि आई जखमी झाले. पोलीस उपनिरीक्षक दिगंबर सोनटक्के तपास करत आहेत.