पुणे-लोणावळा लोकलच्या फेऱ्या वाढवण्याची खासदार बारणे यांची रेल्वेमंत्र्यांकडे मागणी

पुणे-लोणावळा लोकलच्या फे ऱ्या वाढवाव्यात, यासह विविध मागण्या खासदार श्रीरंग बारणे यांनी केंद्रीय रेल्वेमंत्री सुरेश प्रभू यांच्याकडे केली आहे. पुणे विभागाशी संबंधित प्रश्नांसाठी पुण्यात येऊन बैठक घेण्याचे आश्वासन प्रभू यांनी बारणे यांना दिले.
खासदार बारणे यांनी याबाबतची माहिती पत्रकारांना दिली. कर्जत ते पनवेल लोकल सुरू कराव्यात, खोपोली-पनवेल ते सीएसटी लोकल फे ऱ्या वाढवाव्यात, रेल्वे स्थानकांवरील असुविधा दूर कराव्यात, आदी प्रश्नांकडे रेल्वेमंत्र्यांचे लक्ष वेधले. त्यानंतर, पुणे विभागीय स्तरावरील प्रश्नांसाठी पुण्यात येऊन बैठक घेण्याचे आश्वासन प्रभू यांनी दिले. या वेळी ते रेल्वे संघटनांच्या पदाधिकाऱ्यांशीही संवाद साधतील, असे बारणे यांनी सांगितले.