मद्याधुंद बसचालकावर कारवाई

पुणे-सोलापूर महामार्गावरून रात्री उशिरा १२.३० ते एकच्या सुमारास लोणी काळभोर येथील कदमवाक वस्ती येथे समोरील खासगी प्रवासी बसला मागून धडक दिल्याने अपघात घडला. सुदैवाने अपघातात कोणाला इजा झाली नसली, तरी बसच्या पुढील बाजूचे नुकसान झाले. अपघाताबाबत लोणी काळभोर पोलीस ठाण्यात गुन्हा दाखल करण्यात आला. दरम्यान, मद्यासेवन चाचणीत बसचालकाने मद्यासेवन केल्याचे तपासात समोर आले. त्या पार्श्वभूमीवर बसचालकाला सेवेतून काढून टाकण्याची कारवाई करण्यात आली असून, पोलिसांकडून चौकशी करण्यात येत आहे.

पोलिसांच्या प्राथमिक तपासात बसचालकाने कामकाजाच्या वेळेत मद्यासेवन केल्याचे आढळले. त्यामुळे बसचालकाला सेवेतून काढून टाकण्याची कारवाई केली आहे. खबरदारीचा उपाय म्हणून विभागातील बसचालकांची वेळोवेळी मद्याचाचणी करण्यात येत आहे. बसचालकांनादेखील सुरक्षित प्रवासाच्या अनुषंगाने वेगमर्यादेबाबत सूचना देण्यात आल्या आहेत. प्रमोद नेहूल, विभाग नियंत्रक, ‘एसटी’ महामंडळ, पुणे.