पुणे : कोथरूडमधील ढाब्यावर बेकायदा दारू विक्रीचा प्रकार राज्य उत्पादन शुल्क विभागाने उघडकीस आणला. उत्पादन शुल्क विभागाकडून परवाना न घेता दारू विक्री प्रकरणात ढाबाचालकासह चौघांना अटक करण्यात आली. आरोपींना अटक केल्यानंतर न्यायालयात त्वरित आरोपपत्र दाखल करण्यात आले. न्यायालायाने ढाबाचालकाला एक लाख रुपयांचा दंड, मद्यपी ग्राहकांना प्रत्येकी दोन हजार रुपयांचा दंड सुनावला. दंड न भरल्यास दोन महिने साध्या कैदेची शिक्षा सुनावली.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

राज्य उत्पादन शुल्क ‘सी ‘ विभागाच्या पथकाने कोथरूड येथील हॉटेल खिंड या ढाब्यावर नुकताच छापा टाकला. ढाबा चालक योगेश सुरेश माथवड याने ग्राहकांना दारु पिण्याची व्यवस्था उपलब्ध करुन दिल्याचे आढळून आले. त्यानंतर माथवड यांच्यासह चार ग्राहकांना अटक करण्यात आली. राज्य उत्पादन शुल्क विभागाचे निरीक्षक एस. एस. कदम, दुय्यम निरीक्षक प्रताप बोडेकर, किरण पाटील, सहायक दुय्यम निरीक्षक संदीप लोहकरे, उज्ज्वला भाबड, शरद भोर, गोपाळ कानडे, सचिन इंदलकर यांनी ही कारवाई केली.

आणखी वाचा

हेही वाचा…पुणे : गांजा विक्री प्रकरणात अटक केलेली महिला पोलीस ठाण्यातून पसार

लोकसभा निवडणुकीसाठी लागू करण्यात आलेल्या आचारसंहितेच्या पार्श्वभूमीवर राज्य उत्पादन शुल्क पुणे विभागाकडून बेकायदा मद्य विक्री, तसेच बनावट मद्य निर्मिती, वाहतूक, विक्री रोखण्यासाठी पथके नेमण्यात आली आहेत. परराज्यातील मद्य वाहतुकीवर करडी नजर ठेवण्यात आली असून, ढाबा, हॉटेलची अचानकपणे तपासणी सुरू करण्यात आली आहे. कायद्याचे उल्लंघन करणाऱ्यांविरुद्ध या पुढील काळात कडक कारवाई करण्यात येणार असल्याचा इशारा निरीक्षक एस. एस. कदम यांनी दिला आहे.

राज्य उत्पादन शुल्क ‘सी ‘ विभागाच्या पथकाने कोथरूड येथील हॉटेल खिंड या ढाब्यावर नुकताच छापा टाकला. ढाबा चालक योगेश सुरेश माथवड याने ग्राहकांना दारु पिण्याची व्यवस्था उपलब्ध करुन दिल्याचे आढळून आले. त्यानंतर माथवड यांच्यासह चार ग्राहकांना अटक करण्यात आली. राज्य उत्पादन शुल्क विभागाचे निरीक्षक एस. एस. कदम, दुय्यम निरीक्षक प्रताप बोडेकर, किरण पाटील, सहायक दुय्यम निरीक्षक संदीप लोहकरे, उज्ज्वला भाबड, शरद भोर, गोपाळ कानडे, सचिन इंदलकर यांनी ही कारवाई केली.

आणखी वाचा

हेही वाचा…पुणे : गांजा विक्री प्रकरणात अटक केलेली महिला पोलीस ठाण्यातून पसार

लोकसभा निवडणुकीसाठी लागू करण्यात आलेल्या आचारसंहितेच्या पार्श्वभूमीवर राज्य उत्पादन शुल्क पुणे विभागाकडून बेकायदा मद्य विक्री, तसेच बनावट मद्य निर्मिती, वाहतूक, विक्री रोखण्यासाठी पथके नेमण्यात आली आहेत. परराज्यातील मद्य वाहतुकीवर करडी नजर ठेवण्यात आली असून, ढाबा, हॉटेलची अचानकपणे तपासणी सुरू करण्यात आली आहे. कायद्याचे उल्लंघन करणाऱ्यांविरुद्ध या पुढील काळात कडक कारवाई करण्यात येणार असल्याचा इशारा निरीक्षक एस. एस. कदम यांनी दिला आहे.