राज्यात द्विलक्ष्यी अभ्यासक्रमांबाबत मोठा निर्णय… आता काय होणार? मुदतवाढ

कौशल्य, रोजगार, उद्योजकता व नावीन्यता विभागाने या बाबतचा शासन निर्णय नुकताच प्रसिद्ध केला. राज्यात तांत्रिक, कृषी, वाणिज्य, मत्स्य या गटातील १६ द्विलक्ष्यी अभ्यासक्रम राबवण्यात येतात. २० जून २०२३च्या शासन निर्णयानुसार १३ व्यवसाय अभ्यासक्रम एनएसक्यूएफशी सुसंगत करण्यात आले आहेत. तर मत्स्य गटातील दोन आणि तांत्रिक गटातील एक अभ्यासक्रम बंद करण्यात आला आहे. त्या शासन निर्णयानुसार एनएसक्यूएफ रुपांतरित द्विलक्ष्यी व्यवसाय अभ्यासक्रम शैक्षणिक वर्ष २०२४-२५पासून लागू करण्यास मान्यता देण्यात आली होती. मात्र या निर्णयामुळे दोन लाख विद्यार्थ्यांचे भवितव्य धोक्यात येणार असल्याचे, विद्यार्थिसंख्या कमी होऊ शिक्षकांना नोकरी गमवावी लागणार असल्याचे सांगत द्विलक्ष्यी व्यवसाय अभ्यासक्रम कृती समितीने या निर्णयाला विरोध केला होता. तसेच या बाबत कौशल्यमंत्री मंगलप्रभात लोढा यांच्याशी चर्चा करून या निर्णयाचे दुष्परिणाम लक्षात आणून देण्यात आले. त्यानंतर नियुक्त केलेल्या तज्ज्ञ समितीमध्ये शासकीय अधिकाऱ्यांस कृती समितीचे डॉ. ए. पी. कुलकर्णी, प्रा. सुधीर गाडे, प्रा. वैजनाथ स्वामी यांचा समावेश होता. द्विलक्ष्यी अभ्यासक्रमाला पर्याय म्हणून एनएसक्यूएफनुसार राज्यातील स्थितीला सुसंगत अभ्यासक्रम निर्मितीसाठी समिती तयार करण्यात आली. या समितीने इलेक्ट्रॉनिक्स, संगणकशास्त्र आणि मत्स्यपालन या तीन विषयांसाठी अभ्यासक्रम तयार करून राष्ट्रीय व्यवसाय शिक्षण आणि प्रशिक्षण परिषदेला मान्यतेसाठी पाठवले. तसेच उर्वरित १३ विषयांसाठीचा पाठपुरावाही करण्यात येत आहे.

आणखी वाचा

तिसऱ्या फेरीत नव्या महाविद्यालयांतील जागांचा समावेश ? सीईटी कक्षाचे संकेत; दुसऱ्या फेरीला ६ ऑक्टोबरपर्यंत मुदतवाढ

Bigg Boss Marathi 5: सर्व एलिमिनेटेड सदस्यांची घरात…

राज्यातील १ लाख ३९ हजार मुलींनी घेतला व्यावसायिक अभ्यासक्रमांना प्रवेश, ‘या’ अभ्यासक्रमांना सर्वाधिक पसंती

वालचंद महाविद्यालय बळकाविण्यासाठी अडवणुकीचे सत्र

ओबीसींसाठी उत्पन्नाच्या दाखल्याची अट रद्द, शासन निर्णय काय सांगतो?

‘सीबीएसई पॅटर्न’बाबत संभ्रमाची स्थिती

स्टेट बोर्डाच्या शाळांमध्येही आता ‘सीबीएसई’ अभ्यासक्रम; पुढील शैक्षणिक वर्षापासून…

भारतात ‘एआय’ धोरण राबवण्यात कोणत्या राज्यांची आघाडी? कोणती राज्ये पिछाडीवर? महाराष्ट्र कुठे?

हेही वाचा : मनगटापासून तुटलेला हात पुन्हा जोडला, ससून रुग्णालयातील डॉक्टरांकडून तरुणावर पुनर्रोपण शस्त्रक्रिया यशस्वी

या पार्श्वभूमीवर कौशल्य, रोजगार, उद्योजकता व नावीन्यता विभागाने प्रसिद्ध केलेल्या शासन निर्णयानुसार सद्यस्थितीत सुरू असलेले व्यवसाय अभ्यासक्रम राबवणाऱ्या संस्थांना एनएसक्यूएफ रुपांतरित नवीन व्यवसाय अभ्यासक्रम शैक्षणिक २०२४-२५मध्ये राबवण्यास स्थगिती देण्यात येत आहे. हे अभ्यासक्रम ऐवजी २०२५-२६ पासून सुरू करता येतील, तसेच ज्या संस्थांना किंवा अधिकच्या तुकड्यांना विनाअनुदानित तत्त्वावर व्यवसाय अभ्यासक्रम सुरू करायचे आहेत त्यांना एनएसक्यूएफ रुपांतरित व्यवसाय अभ्यासक्रम राबवणे बंधनकारक असल्याचे नमूद करण्यात आले आहे.