पीएमपीच्या ठेकेदारांचा अचानक संप पुणे, पिंपरीतील प्रवाशांचे हाल

पुणे : पीएमपीने भाडेकरार केलेल्या खासगी ठेकेदारांनी रविवारी दुपार पाळीत अचानक संप पुकारला. त्यामुळे पीएमपीच्या ताफ्यातील बहुतांश गाड्या मार्गावर धावू शकल्या नाहीत. पीएमपीने स्वमालकीच्या गाड्यांद्वारे सेवा देण्याचा प्रयत्न केला. मात्र निम्म्याहून अधिक गाड्या मार्गावर न आल्याने रविवारी सुट्टीच्या दिवशी पुणे आणि पिंपरी-चिंचवड शहरातील लाखो प्रवाशांचे अतोनात हाल झाले. संचलन तूट आणि अन्य रक्कम पुणे आणि पिंपरी-चिंचवड महापालिकांनी थकीत रक्कम द्यावी, यासाठी हा संप पुकारण्यात आला असून पीएमपी प्रशासनाकडून ठेकेदारंबरोबर प्राथमिक चर्चा सुरू झाली आहे. संप न मिटल्यास इयत्ता दहावी आणि बारावीच्या विद्यार्थ्यांना गैरसोयीला सामोरे जावे लागण्याची शक्यता आहे.