असेही जीवदान! सुरतमधील व्यक्तीची फुफ्फुसे सव्वा दोन तासांत पुण्यात आणून यशस्वी प्रत्यारोपण

पुणे : सुरतमधील एका मेंदूमृत व्यक्तीमुळे पुण्यातील महिलेला जीवदान मिळाले आहे. या व्यक्तीची दोन्ही फुफ्फुसे विशेष विमानाने पुण्यात आणून त्यांचे प्रत्यारोपण करण्यात आले. यासाठी ग्रीन कॉरिडॉर तयार करण्यात आला होता. त्यामुळे अतिशय वेगाने ही सर्व प्रक्रिया पार पडून संबंधित महिलेचा जीव वाचू शकला.

आणखी वाचा

नाशिक : फर्नांडिसवाडीतील आगीत दुकानासह दोन घरांचे नुकसान

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

लसूण महागला, परराज्यातील लसणाची आवक कमी

विश्लेषण : रंगभूमी दिन ५ नोव्हेंबरला का असतो? यंदा अद्याप साजरा का झाला नाही?

सदनिकेत अडकलेल्या ज्येष्ठ महिलेची सुटका- बेशुद्धावस्थेतील महिलेवर त्वरीत उपचार केल्याने अनर्थ टळला

वाढत्या इन्फ्लूएन्झापासून बचावासाठी ‘एसएच २४’ लस घ्या! केंद्रीय आरोग्य मंत्रालयाचे निर्देश

ठाणे पालिकेच्या तिजोरीत खडखडाट; दिवाळीनंतर पालिकेचे निघाले दिवाळ

गॅरेजमधील मोटारगाडीत श्वास कोंडल्याने पाच वर्षांच्या मुलाचा मृत्यू

पिंपरीतील डीपीयू प्रायव्हेट सुपर स्पेशालिटी हॉस्पिटलमध्ये हे प्रत्यारोपण झाले. एक ५३ वर्षीय महिला कबुतरांच्या संपर्कात आल्याने तीव्र फुफ्फुसाच्या आजाराने ग्रस्त होती. तिला २० सप्टेंबरला डीपीयू प्रायव्हेट सुपर स्पेशालिटी हॉस्पिटलमध्ये अतिदक्षता विभागात दाखल करण्यात आले होते. श्वसनास त्रास होत असल्याने व्हेंटिलेटरची आवश्यकता भासू लागली. त्यामुळे तिला रुग्णालयात दाखल करण्यात आले होते.

आणखी वाचा-पिंपरी-चिंचवड स्मार्ट सिटीची मोफत वायफायची घोषणा हवेतच

तिची प्रकृती खालावल्याने तिचे नाव दुहेरी फुफ्फुस प्रत्यारोपणासाठी अवयवप्राप्तीच्या प्रतीक्षा यादीत नोंदविले होते. रुग्णालयाला २८ सप्टेंबरला पुणे विभागीय अवयव प्रत्यारोपण समन्वय समितीमार्फत योग्य अवयवदाता उपलब्ध असल्याची माहिती मिळाली. सुरत जिल्हा रुग्णालयामध्ये ४२ वर्षीय मेंदूमृत पुरुषाच्या नातेवाइकांनी अवयवदानाचा निर्णय घेतला. सूचना मिळाल्यानंतर, डॉक्टरांचे पथक ताबडतोब सुरतला रवाना झाले. सुरतच्या जिल्हा रुग्णालयामधून २९ सप्टेंबरला दुपारी चारला अवयव काढण्यात आले आणि दोन तास १५ मिनिटांत संध्याकाळी सहा वाजून १५ मिनिटांनी पिंपरीतील डीपीयू प्रायव्हेट सुपर स्पेशालिटी हॉस्पिटलमध्ये आणण्यात आले.

आणखी वाचा-नाच रे मोरा…दुर्गादेवी टेकडीवर मोरांचा मुक्त संचार

सुरतहून पुण्याला विशेष विमानाने ही फुफ्फुसे आणण्यात आली. यासाठी सुरतमधील जिल्हा रुग्णालय ते सुरत विमानतळ आणि नंतर पुणे विमानतळ ते डीपीयू प्रायव्हेट सुपर स्पेशालिटी हॉस्पिटल या मार्गावर ग्रीन कॉरिडॉर तयार करण्यात आला. सुरत आणि पुणे वाहतूक पोलीस विभागाच्या सहकार्याने ग्रीन कॉरिडॉर तयार करण्यात आला. त्यामुळे हे अवयव पुण्यात वेळेत पोहोचून त्याच दिवशी फुफ्फुस प्रत्यारोपण शस्त्रक्रिया करण्यात आली.

आमचे ध्येय आरोग्य सुविधा सक्षम करणे हे आहे. त्याला अत्याधुनिक पायाभूत सुविधांची जोड असेल. मी सुरत आणि पुण्याच्या वाहतूक पोलिसांचे आभार मानते. ही अवयवदानाची प्रक्रिया सुलभतेने पार पाडणाऱ्या आमच्या कुशल डॉक्टरांचेही अभिनंदन करते. -डॉ. भाग्यश्री पाटील, प्र-कुलपती, डॉ. डी.वाय. पाटील विद्यापीठ (अभिमत विद्यापीठ)