“उद्धव ठाकरेंनी हुकूमशाही प्रवृत्तीने….” ; मंत्री सुधीर मुनगंटीवार यांची उद्धवांवर जळजळीत टीका

मुनगंटीवार म्हणाले की, उद्धव ठाकरे हे शरद पवार यांच्यासोबत गेले. सोनिया गांधी यांना वाकून नमस्कार करत होते, ते पाहून आम्हाला वाईट वाटले . शिवसेनेवर प्रेम करणारा भाजपचा कार्यकर्ता म्हणून मला दुःख झाले. हे सोनिया गांधी यांना झुकून नमस्कार करतात हे विचित्र दृश्य अवघा महाराष्ट्र हे पाहत होता. शिवसेना पक्षाच वाईट होणे किंवा शिवसेना पक्षाची मान्यता, बोध चिन्ह जाणे याचा आम्हाला आनंद नाही तर दुःख झाले आहे .त्यांच्या मनात भाजप बद्दल राग आहे पण, आमच्या मनात उद्धव ठाकरे यांच्याबद्दल सहानुभूती आहे, ती आज ही आहे आणि उद्याही राहील असे मुनगंटीवार म्हणाले.

हेही वाचा : आता ‘शिवसेना बाळासाहेब ठाकरे’ नावावरुन शिंदे आणि ठाकरेंमध्ये वादाची शक्यता; मात्र हे नाव ठाकरेंना मिळण्याची शक्यता अधिक कारण…

पुढे ते म्हणाले की, नरेंद्र मोदी यांच्या विरोधात आग ओकण्या ऐवजी उद्धव ठाकरे यांनी आत्ता ही सुधारण्याचा प्रयत्न केला पाहिजे. हिंदू हृदय सम्राट बाळासाहेब ठाकरे म्हणाले होते की , ज्या दिवशी काँग्रेस सोबत जावे लागेल त्या दिवशी दुकान बंद करेन . तुम्ही तर हे ऐकले नाही आणि तुम्ही काँग्रेससोबत गेलात मग तुमचे दुकान सच्चे शिवसैनिक पूर्ण करत असतील तर मग आता पत्रकार परिषदा घेऊन काय फायदा असे देखील मुनगंटीवार म्हणाले.