…तर मुख्यमंत्र्यांना महाराष्ट्रात फिरू देणार नाही, सुप्रिया सुळेंचा इशारा

काय आहे कोपर्डी प्रकरण?
१३ जुलै २०१६ रोजी अहमदनगरच्या कोपर्डी गावात एका अल्पवयीन मुलीवर बलात्कार करून तिची निर्घुणपणे हत्या करण्यात आली. महाराष्ट्रातील निर्भया प्रकरण म्हणून हे प्रकरण गाजले. या बलात्कार आणि हत्या प्रकरणात जितेंद्र शिंदे, संतोष भवाळ आणि नितीन भैलुमे या तिघांनाही संशयित आरोपी म्हणून अटक करण्यात आली. तसेच कोपर्डीतील पीडीत मुलीच्या कुटुंबाला न्याय मिळावा या प्रमुख मागणीसाठी मराठा समाजाने राज्यभरात मूक मोर्चेही काढले होते.

विधानसभेतही हा मुद्दा गाजला होता, त्यावेळी बलात्कार आणि हत्या प्रकरणातील आरोपींना फासावर पोहचवल्याशिवाय सरकार शांत बसणार नाही असे मुख्यमंत्री देवेंद्र फडणवीस यांनी म्हटले होते. विरोधकांनीही यासाठी सरकारला पाठिंबा द्यावा अशी मागणीही त्यांनी केली होती. मात्र त्यांच्या याच आश्वासनाचा त्यांना विसर पडल्याचे सुप्रिया सुळे यांनी म्हटले आहे आणि १ जानेवारीपर्यंतचा अल्टिमेटम दिला आहे.