टी. वाय. वाघमारे यांचे निधन

बायबल सोसायटीच्या पुणे शाखेचे संस्थापक सचिव टी. वाय. वाघमारे (वय ९१) यांचे वृद्धापकाळाने नुकतेच निधन झाले. त्यांच्या मागे पत्नी, मुली, जावई आणि नातवंडे असा परिवार आहे. ख्रिश्चन समाजातर्फे शनिवार, १४ सप्टेंबर रोजी वायएमसीए क्वॉर्टर गेट येथे सायंकाळी ६ वाजता श्रद्धांजली सभेचे आयोजन करण्यात आले आहे.
वाघमारे बायबल सोसायटी पुणे शाखेच्या सचिवपदी ६० वर्षे कार्यरत होते. मुंबई शाखेचे उपाध्यक्षपदही त्यांनी सांभाळले आहे. राष्ट्रीय संरक्षण प्रबोधिनीमध्ये वरिष्ठ अधिकारी म्हणून त्यांनी काम केले आहे. तसेच क्राईस्ट चर्चचे काही काळ ते सचिवही होते.