बारामतीच्या सुपे उपबाजारात चिंचेच्या लिलावाचा शुभारंभ

सुपे उपबाजार ही चिंच लिलावासाठी पुणे ज़िल्ह्यात प्रसिद्ध अशी जुनी नावाजलेली बाजारपेठ आहे. त्यामुळे बारामती तालुक्यासह शिरूर, दौंड, पुरंदर, फलटण, श्रीगोंदा, इंदापुर, भोर इत्यादी तालुक्यातुन तसेच राज्यातील इतर जिल्ह्यातुन सुद्धा चिंच विक्रीसाठी येत असते. या चिंचेचे लिलाव दर शनिवारी सकाळी ११.०० वाजता सुरू होतील. त्यामुळे खरेदीदारांनी वेळेत उपस्थित रहावे. गतवर्षी अखंड चिंचेस किमान रू. २,२००/- ते कमान रू. ५,०००/- प्रति क्विंटल तर फोडलेली चिंचेला किमान रू. ४,५००/- व कमाल रू. १०,०००/- प्रति व्किंटल असे दर निघाले होते.

चिंच खरेदीसाठी बारामती, पुणे, बार्शी, तुळजापुर, लातुर, औरंगाबाद, हैद्राबाद इत्यादी भागातुन खरेदीदार मोठया प्रमाणात येत असतात अशी माहिती बारामती कृषि उत्पन्न बाजार समितीचे सचिव अरविंद जगताप यांनी दैनिक लोकसत्ता प्रतिनिधीशी बोलताना दिली.