जगद्गुरू संत तुकाराम महाराजांचं मंदिर उद्यापासून दर्शनासाठी बंद; पंतप्रधान मोदींच्या दौऱ्यामुळे सुरक्षेत वाढ

देहूतील जगद्गुरू संत तुकाराम महाराज यांचं मंदिर भाविकांसाठी बंद ठेवण्यात येणार आहे. पंतप्रधान नरेंद्र मोदी हे १४ जून रोजी देहूत येणार आहेत. त्यांच्या हस्ते शिळा मंदिर, तुकोबांच्या मूर्तीच लोकार्पण होणार आहे. त्यामुळं सुरक्षेच्या दृष्टीने उद्या सकाळी ८ ते १४ जून सायंकाळी ५ वाजेपर्यंत मंदिर बंद असणार आहे, अशी माहिती देवस्थानचे विश्वस्त माणिक महाराज मोरे यांनी दिली आहे.