विजेच्या धक्क्याने शाळकरी मुलाचा मृत्यू; वडगाव शेरी परिसरातील घटना

मोहित वेदकुमार चावरा (वय १०, गल्ली क्रमांक ९, गणेशनगर, वडगाव शेरी) असे मृत्युमुखी पडलेल्या मुलाचे नाव आहे. याप्रकरणी चंदननगर पोलीस ठाण्यात अकस्मात मृत्यू अशी नोंद करण्यात आली. पोलिसांनी दिलेल्या माहितीनुसार, मोहित बुधवारी रात्री नऊच्या सुमारास मित्रांसोबत घराजवळ खेळत होता. त्यावेळी अचानक त्याचा हात अर्थिंगच्या वायरला लागला. वायरमध्ये विद्युत प्रवाह उतरल्याने वीजेचा धक्का मोहितला बसला. मोहित जागेवर कोसळळा. त्याच्याबरोबर असलेल्या मित्रांनी या घटनेची माहिती कुटुंबीयांना दिली. त्याला तातडीने रुग्णालयात दाखल करण्यात आले. उपचारापूर्वीच त्याचा मृत्यू झाला.

आणखी वाचा

सीएसएमटी अपघात : सीसीटीव्हीच्या तपासणीनंतर अखेर अपघातातील आरोपी सापडला

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

मित्रांबरोबर गेला, दुसऱ्या दिवशी मृतदेह सापडला; प्रसिद्ध अभिनेत्रीच्या १४ वर्षीय मुलाचा दुर्दैवी अंत

नातवाच्या जन्मानंतर अमिताभ बच्चन मिठाई घेऊन आले अन्…, नाना पाटेकरांनी सांगितला किस्सा; ‘ती’ भेटवस्तू अजूनही ठेवलीये जपून

स्कूलबस आणि दुचाकीची धडक, युवकाचा मृत्यू; चिखली राज्य मार्गावरील घटना

जादूटोण्याच्या संशयातून वृद्ध दाम्पत्यास मारहाण

मृत्यूनंतरही परवड थांबली नाही, पार्थिव रुग्णालयात नेताना महिलेच्या गळ्यातील गंठण चोरीला

भाजपचे नेते विधान परिषदेचे आमदार योगेश टिळेकर यांचे मामा सतीश वाघ यांचा अपहरण करून खून

हेही वाचा…पिंपरी-चिंचवड: शॉर्ट सर्किटमुळे ट्रॅव्हल्स ला भीषण आग; सुदैवाने जीविहितहानी नाही

मोहितचे वडील व्यावसायिक आहेत. तो एका शाळेत चौथीत होता. चावरा कुटुंबीय मूळचे गुजरातचे असून, व्यवसायाच्यानिमित्ताने ते वडगाव शेरी भागात काही वर्षांपूर्वी स्थायिक झाले. अपघातानंतर महावितरणमधील अधिकाऱ्यांनी घटनास्थळाची पाहणी केली.

हेही वाचा…पुणे : चांदणी चौक परिसरात अपघात; मालवाहू एसटी बसची सिमेंट मिक्सरला धडक

विजेच्या धक्क्याने तिसरा मृत्यू

गेल्या काही दिवसात विजेच्या धक्क्याने मृत्यू होण्याची तिसरी घटना घडली आहे. महिनाभरापूर्वी हडपसर भागात साचलेल्या पाण्यात विद्युत प्रवाह उतरल्याने शाळकरी मुलाचा मृत्यू झाला होता. आठवड्यापूर्वी बालेवाडी भागात उघड्यावर पडलेल्या वायरमधून विजेचा धक्का बसल्याने सफाई कर्मचारी महिलेचा मृत्यू झाल्याची घटना घडली होती. त्यानंतर वडगाव शेरी भागात शाळकरी मुलाचा विजेच्या धक्क्याने मृत्यू झाल्याची घटना बुधवारी रात्री घडली.