पुणे पोलिसांच्या सेवेत लवकरच दाखल होणार ‘हा’ अत्याधुनिक पोलीस

यासंदर्भात पुण्याचे पोलीस आयुक्त डॉ. के. व्यंकटेशम यांनी नुकतेच या रोबटची माहिती देणारे व्टिट केले. पुणे पोलिसांच्या बॉम्ब नाशक व शोधक पथकासाठी डीआरडीओकडून हा रोबोट घेण्यात येणार आहे. पुर्णत: स्वयंचलित आणि रिमोटवर चालणारा हा रोबोट असून तो बॉम्ब शोधून नष्टही करु शकतो, त्यामुळे याचा मोठा फायदा पुणे पोलीसांना आपल्या शोधकार्यासाठी होणार आहे.

बॉम्ब शोधण्यासाठी पारंपारिक पद्धतीने पोलीस श्वानांचा वापर करतात. त्यांच्या अत्यंत संवेदनशील घ्राणेंद्रियांचा वापर यासाठी केला जातो. मात्र, त्यालाही मर्यादा असल्याने आता बॉम्ब शोधण्यासाठी आणि नष्ट करण्यासाठी रोबोटचीही मदत पुणे पोलीस घेणार आहेत.

पुणे शहरात गेल्या काही वर्षांत घडलेल्या जर्मन बेकरी बॉम्बस्फोट, जे. एम. रस्ता बॉम्बस्फोट प्रकरणांच्या पार्श्वभूमीवर पुणे पोलीस ‘दक्ष’ रोबोटच्या येण्याने आणखी सक्षम होणार आहे. यामुळे बॉम्ब शोधक व नाशक पथकाचेही अत्याधुनिकरण झाले आहे.