गतिमान वृत्तांकनात बातमीतील सत्यता राखण्याचे पत्रकारांपुढे आवाहन – मुख्यमंत्री एकनाथ शिंदे

हेही वाचा- पुणे: हडपसर रेल्वे स्थानकाकडे जाण्यासाठी पीएमपीचे दोन नवे मार्ग

मुख्यमंत्री शिंदे म्हणाले, प्रसारमाध्यमांचे स्वरूप बदलत चालले आहे. आता सर्वकाही गतीमान झाले आहे. बातम्यांचे स्तोत्र वाढले आहे. चहुबाजूने माहितीचा मारा होत आहे. त्यामुळे पत्रकारांची जबाबदारी आणखी वाढली आहे. चुकीची माहिती प्रसारित होता कामा नये, याची अधिक दक्षता घ्यावी लागणार आहे. तुझ माझं जमेना आणि तुझ्याविना जमेना, असे पत्रकार आणि लोकप्रतिनिधींचे संबंध आहेत. मात्र आपण एका परिवारातील सदस्यांप्रमाणे आहोत. हातात हात घालून काम केले पाहिजे. वृत्तांकन करताना पत्रकारांना अनेक आवाहनांना सामोरे जावे लागते. बातमी मिळविताना पत्रकारांचे कुटुंबाकडे दुर्लक्ष होते. करोना काळात जीवावर उदार होऊन पत्रकारांनी काम केले. सकारात्मक दृष्टिकोनातून पत्रकार सातत्याने समाजाचे प्रश्न मांडतात. स्वातंत्र्याच्या अमृत महोत्सवी वर्षात राज्याला पुढे नेताना विकास पत्रकारितेचे महत्वाचे योगदान आहे आणि भविष्यातही राहील, असे मुख्यमंत्री म्हणाले.