अकरावी प्रवेश प्रक्रियेतील तिसऱ्या फेरीची गुणवत्ता यादी जाहीर; पात्रता गुणांमध्ये घट

पुणे: पुणे आणि पिंपरी चिंचवड परिसरात राबवण्यात येत असलेल्या अकरावीच्या ऑनलाइन प्रवेश प्रक्रियेतील पहिल्या विशेष फेरीची गुणवत्ता यादी जाहीर करण्यात आली. या फेरीत सुमारे २५ हजार ९७३ विद्यार्थ्यांना प्रवेश जाहीर झाला असून, विशेष फेरीत पात्रता गुणांमध्ये काही प्रमाणात घट झाली आहे.

आणखी वाचा

विश्लेषण : शिकवणी वर्गांच्या जाहिरातींना चाप?

Nana Patole : निकालाआधी राजकीय घडामोडींना वेग; यातच…

‘एमपीएससी’ विद्यार्थी मानसिक तणावात…तब्बल दहा महिन्यांपासून या परीक्षेचा…

MPSC मंत्र : राज्य सेवा मुख्य परीक्षा- मानवी हक्क पारंपरिक अभ्यास

UPSC ची तयारी : नीतिशास्त्र, सचोटी  आणि नैसर्गिक क्षमता

‘आयडॉल’च्या विविध अभ्यासक्रमांसाठी अर्ज भरण्याचा आज शेवटचा दिवस

टीईटी परीक्षेत एआय तंत्रज्ञान वापरल्याचा परिणाम काय? किती उमेदवारांनी दिली परीक्षा?

उच्च शिक्षण घेऊ इच्छिणार्‍या विद्यार्थ्यांना मिळणार १० लाखांपर्यंत शैक्षणिक कर्ज; काय आहे ‘पंतप्रधान विद्यालक्ष्मी योजना’?

अकरावीच्या ऑनलाइन प्रवेश प्रक्रियेत आतापर्यंत तीन नियमित फेऱ्या झाल्या आहेत. त्यानंतर आता विशेष फेऱ्या राबवल्या जाणार आहेत. त्यानुसार पहिल्या विशेष फेरीसाठी २८ हजार ९६२ विद्यार्थी पात्र ठरले. त्यापैकी पहिल्या दहा पसंतीक्रमानुसार २५ हजार ९७३ विद्यार्थ्यांना महाविद्यालय मिळाले आहे. त्यात १९ हजार ६८२ विद्यार्थ्यांना पहिल्या पसंतीचे महाविद्यालय मिळाले आहे. दुसऱ्या पसंतीक्रमानुसार ३ हजार ४२४ विद्यार्थ्यांना, तर तिसऱ्या पसंतीक्रमानुसार १ हजार २१७ विद्यार्थ्यांना महाविद्यालय मिळाले.

हेही वाचा… धोकादायक दरड काढण्यासाठी पुणे- मुंबई द्रुतगती मार्गावर दोन तासांचा ब्लॉक

विज्ञान शाखेसाठी १४ हजार १३४ तर वाणिज्य शाखेसाठी ९ हजार ४७ विद्यार्थी आणि कला शाखेसाठी २ हजार १५४ विद्यार्थी पात्र ठरले आहेत. विशेष फेरीत कला शाखेचा खुल्या गटासाठी सर्वाधिक पात्रता गुण ४६८ तर विज्ञान शाखेसाठीचे पात्रता गुण ४६४ आहेत. दोन्ही शाखांसाठी फर्ग्युसन महाविद्यालयाला पसंती मिळाली आहे. तर वाणिज्य शाखेचा सिम्बायोसिस महाविद्यालयात पात्रतागुण सर्वाधिक ४४७ आहेत. तिसऱ्या फेरीच्या तुलनेत विशेष फेरीच्या पात्रता गुणांमध्ये काही प्रमाणात घट झाल्याचे दिसून येते.