जेजुरीला पाणी पुरवठा करणाऱ्या नाझरे धरणात फक्त दीड महिना पुरेल एवढंच पाणी

सासवड, गराडे, सोमर्डी,कोडीत,चांबळी, भिवडी, पुरंदर किल्ला परिसर, नारायणपूर,आदी भागात चांगला पाऊस झाल्यास पाणी कऱ्हा नदीतून नाझरे धरणात येते , परंतु पुरंदर तालुक्यातच पावसाचे प्रमाण कमी असल्याने या धरणात अद्यापि पाणी आलेले नाही. त्यामुळे धरणाचे पात्र कोरडे पडत चालले आहे. गराडे धरण ५० टक्के भरले ते पूर्ण भरल्यानंतर वाटेतील सर्व बंधारे भरत पाणी नाझरे धरणात येणार आहे.

आणखी वाचा

खडवासला धरण साखळीत पाणीसाठा किती? पुण्याचा पाणीपुरवठा सुरळीत राहणार?

Delhi Assembly Election: पराभव ‘आप’चा, धक्का उद्धव ठाकरे…

पाणीपुरवठा मंत्री गुलाबराव पाटील यांच्या जळगाव जिल्ह्यातच ‘जलजीवन मिशन’ संकटात, चार वर्षात केवळ २९४ योजना पूर्ण

पिंपरी : उन्हाचा चटका वाढला; पवना धरणात किती आहे पाणीसाठा?

नाशिक जिल्ह्यात ३५७ गावांत वैयक्तिक विहिरी, विंधनविहिरींवर बंदी; १५ पाणलोट क्षेत्रात भूजलाचा बेसुमार उपसा

पुणे : शहरातील ‘ या ‘ भागात गुरुवारी पाणी नाही !

मुंबईत बुधवारी, गुरुवारी पाणीपुरवठा बंद

पुणे : पुरवठ्या आधीच समाविष्ट गावांच्या पाणीपट्टीत वाढ ?

नाझरे धरणातून जेजुरी गाव,जेजुरी औद्योगिक वसाहत,इंडियन सिमलेस कंपनी, मोरगाव व १६ गावे, नाझरे व पाच गावे व शेतीसाठी पाणीपुरवठा केला जातो,सुमारे ३१५० हेक्टर शेतीचे क्षेत्र ओलिताखाली आहे. नाझरे धरणात अद्यापही पाणीसाठा न वाढल्याने शेतकऱ्यांमध्ये काळजीचे वातावरण आहे. धरणाच्या परिसरात एक जून पासून १३० मिलिमीटर पावसाची नोंद झाली आहे,गेल्या वर्षी हाच पाऊस ९९६ मिलिमीटर होता. जेजुरी हे तीर्थक्षेत्र आहे येथे येणाऱ्या भाविकांना याच धरणातील पाणी पुरविले जाते.पुरंदर तालुक्यात अद्यापही पुरेसा पाऊस नसल्याने बऱ्याचशा पेरण्या रखडल्या होत्या परंतु गेले चार-पाच दिवस रिमझिम पाऊस झाल्याने खरिपाच्या पेरण्या होण्याची शक्यता आहे.

पाणीसाठा आटल्याने विविध योजनांना दिवसाआड पाणीपुरवठा

नाझरे धरणात सध्या गाळमिश्रित पाणी शिल्लक राहिल्याने संभाव्य पाणी टंचाईचे संकट लक्षात घेऊन सर्व पाणीपुरवठा योजनांना सध्या दिवसाआड पाणीपुरवठा केला जात आहे. भविष्यात धरणातील पाणीसाठ्यात वाढ होण्याची अपेक्षा आहे. पाणीसाठा न वाढल्यास पंधरा दिवसांनंतर फक्त पिण्यासाठीच काही तास पाणीपुरवठा केला जाणार आहे, अशी माहिती नाझरे सिंचन विभागाचे अधिकारी विश्वास पवार व शाखा अभियंता अनिल घोडके यांनी दिली.