पुण्यात सहावीत शिकणाऱ्या विद्यार्थ्याच्या प्रकल्पाची ‘नासा’कडून निवड

रोहन आणि त्याची आई डॉ. कविता भंसाळी यांनी प्रकल्पाची माहिती पत्रकार परिषदेत दिली. रोहन विद्या व्हॅली शाळेत सहावीत शिकत आहे. नासाच्या ‘क्यूब्स इन स्पेस’ या कार्यक्रमात जगभरातील ११ ते १८ वर्षे वयोगटातील विद्यार्थ्यांना लघु उपग्रहाची रचना, निर्मिती साठी करण्यास प्रोत्साहन दिले जाते. त्यानुसार रोहनने त्याचा प्रकल्प सादर केला. अंतराळ उड्डाणात मानव, वस्तू आणि पेलोड्सचे उच्च तीव्रतेच्या सौर अतिनील विकिरणांपासून संरक्षण करण्यासाठीचा प्रकल्प रोहनने तायर केला. त्यात ४ बाय ४ सेमी क्यूबमध्ये ४ यु.वी सेन्सर्स, ३ निवडक साहित्य (रेशीम, अॅल्युमिनियम, प्लास्टिक) आणि स्ट्रॅटोस्फियरमध्ये बारा तासांच्या प्रवासाच्या प्रत्येक ५ मिनिटांनी डेटा लॉग करण्यासाठी एक मायक्रोप्रोसेसर आहे. स्ट्रॅटोस्फिअर वातावरणातील 1 लाख 64 हजार फूट उंचीवर असतो. तर विमाने सर्वसाधारणपणे तीस हजार फूट उंचीवरून उडतात.

हेही वाचा >>>पुणे : पतीच्या अंगावर ओतले उकळते पाणी…’हे’ कारण

निवडीबाबत आनंद व्यक्त करून रोहन म्हणाला, की मला विज्ञानाची आवड असल्याने या प्रकल्पात सहभागी होण्याचे ठरवले. तसेच शाळा आणि पालकांनीही प्रोत्साहन दिले. मला विज्ञानातील नवनव्या संकल्पना समजून घ्यायला आवडतात. त्यामुळे तीन ते चार महिने अभ्यास करून उपकरण तयार केले.