पोलिसांकडून राखी पौर्णिमेची अनोखी भेट; गहाळ झालेले ४० मोबाइल संच तक्रारदारांना परत

प्रवासात, बाजारात खरेदीसाठी गेलेल्या नागरिकांचे मोबाइल संच गहाळ होतात. गर्दीत चोरटे मोबाइल चोरतात. मोबाइल चोरी किंवा गहाळ झाल्यानंतर नागरिक तक्रार करतात. विश्रांतवाडी पोलिसांनी गहाळ झालेल्या मोबाइलची यादी तयार केली. आयएमईआय मोबाइल क्रमांकावरुन पोलिसांनी तांत्रिक तपास सुरू केला. चोरट्यांनी मोबाइलची परराज्यात विक्री केल्याचे उघडकीस आले. पोलिसांनी मोबाइल वापरणाऱ्या नागरिकांशी संपर्क साधला. मोबाइल परत न केल्यास कायदेशीर कारवाई करण्यात येईल, असे पोलिसांनी सांगितले. त्यानंतर गहाळ झालेले मोबाइल वापरणाऱ्यांनी विश्रांतवाडी पोलीस ठाण्यात मोबाइल संच जमा केले.

आणखी वाचा

स्वारगेट एसटी स्थानकात चोरट्यांचा उच्छाद, प्रवासी तरुणाकडील साडेसहा लाखांचे दागिने चोरीला

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

पुणे : कोयता बाळगणाऱ्या तडीपार गुंडाला पकडले

पुणे : एटीएममधून रोकड चोरणाऱ्या चोरट्याला पकडले; सुरक्षारक्षक, वाहतूक पोलिसांची तत्परता

पुणे: एटीएम फोडून रोकड चोरणारी हरयाणातील टोळी गजाआड, स्थानिक गुन्हे शाखा आणि शिरूर पोलिसांची कामगिरी

पोलीस ठाण्यात साप आणि पोलिसांची तारांबळ

पुणे : स्पर्धा परीक्षेची तयारी करणाऱ्या तरुणाचा मोबाईल हिसकाविला

मोबाइल चोरणाऱ्या सराइतांना अटक; १२ मोबाइल संच जप्त; ९ गुन्हे उघड

हेही वाचा >>>पुणे : महिला डॉक्टरांच्या सुरक्षेसाठी पावले!

त्यानंतर पोलिसांनी तक्रारदारांशी संपर्क साधून खात्री केली. मोबाइल सापडल्याने तक्रारदारांनी आनंद व्यक्त केला. परिमंडळ चारचे पोलीस उपायुक्त हिम्मत जाधव यांच्या हस्ते तक्रारदारांना मोबाइल संच परत करण्यात आले. उपायुक्त हिम्मत जाधव, सहायक आयुक्त अनुजा देशमाने, विश्रांतवाडी पोलीस ठाण्याच्या वरिष्ठ पोलीस निरीक्षक कांचन जाधव, शंकर साळुंके, तपास पथकाचे उपनिरीक्षक नितीन राठो़ड, बबन वणवे, यशवंत किर्वे, वामन सावंत, अमजद शेख, संपत भोसले, संजय बादरे, संदीप देवकाते, किशोर भुसारे, अक्षय चापटे यांनी ही कामगिरी केली.

मोबाइल हरविल्यानंतर नागरिकांनी पुणे पोलिसांच्या ‘लाॅस्ट अँड फाऊंड’ संकेतस्थळावर ऑनलाइन तक्रार करावी, असे आवाहन पोलिसांकडून करण्यात आले.