पिंपरी-चिंचवड शहराला पाणीपुरवठा करणाऱ्या पवना धरणामध्ये गेल्या वर्षीच्या तुलनेत निम्मा जलसाठा उपलब्ध आहे. गेल्या वर्षी आजच्या तारखेला ६२.९१ टक्के पाणीसाठा उपलब्ध होता. त्या तुलनेने सध्या धरणामध्ये ३३.४३ टक्के इतका पाणीसाठा उपलब्ध आहे.
गेल्या वर्षी पवना धरणामध्ये ६२.९१ टक्के इतका पाणीसाठा असल्याने पिंपरी-चिंचवडकरांना चिंता करण्याची गरज नव्हती. परंतु, यावर्षी जुलैचा महिना सरत आला तरी पवना धरणातील जलसाठा निम्म्यावरही पोहोचलेला नाही. म्हणून पिंपरी-चिंचवडकरांच्या चिंतेत भर पडली आहे.
हेही वाचा – पिंपरी पालिका यशवंतराव चव्हाण स्मारकासाठी पाच कोटी रुपये देणार
पिंपरी-चिंचवड शहराला पाणीपुरवठा करणाऱ्या पवना धरणामध्ये ३३.४३ टक्के इतका जलसाठा उपलब्ध असल्याचं समोर आलेले आहे. एक जूनपासून पवना धरणातील पाणीसाठ्यात १५.५३ टक्के वाढ झालेली आहे. गेल्या वर्षी आजतागायत ६६० मिलिमीटर पाऊस झाला होता. जो यावर्षीच्या तुलनेत काही प्रमाणात कमी आहे. यावर्षी धरण क्षेत्रात ७३६ मिलिमीटर इतका पाऊस झालेला आहे.
हेही वाचा – पिंपरी : महापालिकेचा फतवा… मालमत्ता कर भरा, नाहीतर जप्ती!
असं असलं तरी गेल्यावर्षी आजच्या तारखेला पवना धरणामध्ये ६२.९१ टक्के पाणीसाठा उपलब्ध होता. परंतु, यावर्षी केवळ ३३.४३ टक्के इतका पाणीसाठा उपलब्ध असल्याचं पुढे आलं आहे. त्यामुळे गेल्या वर्षीच्या तुलनेत यावर्षी आजच्या तारखेला निम्मा जलसाठा असल्याचं बघायला मिळत आहे. एक जूनपासून ते आजतागायत ३३६ मिलिमीटर पाऊस झालेला आहे.
