पुणे : विसर्जन मिरवणुकीत मोबाईल चोरणारा हरियाणातील चोरटा गजाआड

हेही वाचा >>> लोणावळा : आरपीआयला हवे मुंबईत उपमहापौर, तर पुण्यात महापौरपद ; रामदास आठवलेंची मागणी

दरम्यान, विसर्जन मिरवणुकीत मोबाईल हिसकावण्याचे फरासखाना, विश्रामबाग, वानवडी पोलीस ठाण्यात वेगवेगळे पाच गुन्हे दाखल झाले आहेत. लक्ष्मी रस्त्यावरील शगुन चौकात एका तरुणीचा ४० हजारांचा मोबाइल संच लांबविण्यात आला. नारायण पेठेतील केळकर रस्त्यावर एकाचा दहा हजारांचा मोबाइल संच लांबविण्यात आला. शनिवारवाडा परिसरात पेशवे गणपती मंदिरासमोर तरुणाच्या खिशातून पाच हजारांचा मोबाईल संच लांबविण्यात आला. बेलबाग चौकात एकाचा पाच हजार रुपयांचा मोबाईल संच लांबविण्यात आला. वानवडीतील संविधान चौकात विसर्जन मिरवणुकीत नृत्य करणाऱ्या तरुणाच्या खिशातून ४० हजारांचा मोबाईल संच लांबविण्यात आला. विसर्जन मिरवणुकीत चोरट्यांनी अनेकांचे संच लांबविले असून आतापर्यंत वेगवेगळ्या पोलीस ठाण्यात सहा गुन्हे दाखल झाले आहेत.